توقايەۆ حالىق ءارتىسى يۋريي پومەرانسيەۆتىڭ تۋىستارى مەن جاقىندارىنا كوڭىل ايتتى

يۋريي بوريسوۆيچ قازاق تەاترى مەن كينوسىنىڭ دامۋىنا ولشەۋسىز ۇلەس قوستى

مەملەكەت باسشىسى قازاقستاننىڭ ەڭبەك ەرى، حالىق ءارتيسى يۋريي پومەرانسيەۆتىڭ قايتىس بولۋىنا بايلانىستى ونىڭ جاقىندارى مەن تۋىستارىنا كوڭىل ايتۋ جەدەلحاتىن جولدادى، دەپ حابارلايدى Almaty-akshamy.kz.

كوڭىل ايتۋ جەدەلحاتىن ق ر پرەزيدەنتىنىڭ باسپا ءسوز حاتشىسى بەرىك ءۋالي Facebook-تەگى پاراقشاسىندا جاريالادى.

«ەرەكشە تالانتتى اكتەر، كورەرمەننىڭ كوزايىمى بولعان تۇلعا يۋريي بوريسوۆيچ قازاق تەاترى مەن كينوسىنىڭ دامۋىنا ولشەۋسىز ۇلەس قوستى. ول بىزگە تەرەڭ ماعىنالى، شىنايى سەزىمگە تولى ەرەكشە تۋىندىلاردىڭ تۇتاس شوعىرىن سىيلادى. يۋريي پومەرانسيەۆتىڭ ءومىرى مەن شىعارماشىلىق جولى — ونەرگە دەگەن ادالدىق پەن رياسىز قىزمەتتىڭ، ءپاتريوتيزمنىڭ، پاراساتتىلىق پەن جومارتتىقتىڭ ۇلگىسى. يۋريي بوريسوۆيچ حالىقتىڭ سۇيىسپەنشىلىگى مەن قۇرمەتىنە بولەنگەن تۇلعا. ول جاس ۇرپاقتىڭ دانا تالىمگەرى بولدى»، – دەلىنگەن جەدەلحاتتا.

بەلگىلى قازاقستاندىق اكتەر يۋريي پومەرانسيەۆ 100 جاسقا قاراعان شاعىندا دۇنيەدەن وزدى. لەرمونتوۆ اتىنداعى تەاتر قارالى حاباردى راستادى.

يۋريي بوريس ۇلى - كەڭەستىك جانە قازاقستاندىق تەاتر جانە كينو اكتەرى، رەجيسسەر، حالىق ءارتىسى جانە قازاقستان مەملەكەتتىك سىيلىعىنىڭ لاۋرەاتى، ەڭبەك ەرى، "ەڭلىك گۇل" سىيلىعىنىڭ، "ساحناگەر" ۇلتتىق تەاتر سىيلىعىنىڭ جانە "التىن ادام" ۇلتتىق سىيلىعىنىڭ يەگەرى، الەمدەگى العاشقى بالالار تەاترىنىڭ نەگىزىن قالاۋشىلاردىڭ ءبىرى. ول شاكەن ايمانوۆتىڭ "ءبىزدىڭ سۇيىكتى دارىگەر" ءفيلمى ارقىلى كوپكە كەڭىنەن تانىمال.