كلينيكادا 200-دەن جوعارى بىلىكتى ماماندار جۇمىس ىستەيدى
قالا باسشىسى بوستاندىق اۋدانىنداعى مىندەتتى مەديسينالىق ساقتاندىرۋ (ءمامس) جۇيەسى بويىنشا 18 مىڭعا جۋىق ادامعا قىزمەت كورسەتەتىن «كەرۋەن-Medicus» مەديسينالىق ورتالىعىنىڭ جۇمىسىمەن تانىستى، دەپ حابارلايدى Almaty-akshamy.kz.
حالىققا نەيروحيرۋرگيا، نەيرورەابيليتاسيا، ۋرولوگيا جانە ت.ب. قىزمەت تۇرلەرى قولجەتىمدى، سونداي-اق ورتالىق بوساندىرۋ، پەدياتريا، حيرۋرگيا، ماممولوگيا جانە ت.ب. باعىتتار بويىنشا اقىلى قىزمەت كورسەتەدى.
كلينيكادا 200-دەن جوعارى بىلىكتى ماماندار جۇمىس ىستەيدى، مەكەمە زاماناۋي جابدىقتارمەن، اتاپ ايتقاندا مرت، كومپيۋتەرلىك توموگرافيا، ساۋلەلىك دياگنوستيكا جانە ت.ب. كابينەتتەرمەن جابدىقتالعان.
ەربولات دوسايەۆ پەرزەنتحانادا بولىپ، بوساناتىن ايەلدى قۇتتىقتادى. ورتالىق اشىلعان ساتتەن باستاپ (2008 ج.) ونىڭ قابىرعاسىندا 7،5 مىڭعا جۋىق بالا دۇنيەگە كەلدى، 2022 جىلدىڭ باسىنان باستاپ 170 قىز بەن ۇل دۇنيەگە كەلدى.
ۇجىممەن كەزدەسۋ بارىسىندا ەربولات دوسايەۆ مەديسينالىق ورتالىق قىزمەتتەرىنىڭ جوعارى ساپاسىن جانە دەنساۋلىق ساقتاۋ سالاسىنا جەكە ينۆەستيسيالاۋدىڭ ماڭىزدىلىعىن اتاپ ءوتتى.
«الداعى 3 جىلدا قالامىزدىڭ دەنساۋلىق ساقتاۋ جۇيەسىنىڭ ينفراقۇرىلىمىن جاڭعىرتۋ – مەنىڭ جۇمىسىمداعى باسىمدىقتاردىڭ ءبىرى. وكىنىشكە وراي، سوڭعى جىلدارى بىزدە بارلىق زاماناۋي ستاندارتتارعا سايكەس كەلەتىن بىردە-بىر جاڭا كوپبەيىندى اۋرۋحانا پايدا بولعان جوق. ءبىز جاعدايدى وزگەرتە الامىز دەپ ويلايمىن، ءبىراق بۇل ءۇشىن ۋاقىت قاجەت. الداعى ءۇش جىلدا جۇيەلى جۇمىس جۇرگىزۋ قاجەت»، – دەدى قالا باسشىسى.
قازىرگى ۋاقىتتا «كەرۋەن-Medicus» مەديسينالىق ورتالىعىندا اناعۇرلىم تالاپ ەتىلەتىن باعىتتاردىڭ ءبىرى رەتىندە بوساندىرۋ قىزمەتتەرىن دامىتۋ جانە كەڭەيتۋ ءۇشىن جاڭا كورپۋستىڭ قۇرىلىسى جۇرگىزىلۋدە. 40 توسەكتىك پەرزەنتحانا قۇرىلىسى حيرۋرگيا، نەيروحيرۋرگيا، ورتوپەديا، تراۆماتولوگيا جانە بالالار حيرۋرگياسى سياقتى باعىتتار بويىنشا كلينيكانىڭ مۇمكىندىكتەرىن كەڭەيتۋگە مۇمكىندىك بەرەدى.
جاڭا كورپۋستىڭ قۇرىلىسى اياقتالعاننان كەيىن قوسىمشا 150 جۇمىس ورنى اشىلادى. نىساندى 2023 جىلدىڭ ناۋرىز ايىندا پايدالانۋعا بەرۋ جوسپارلانعان.
