ساراپشىلار بۇل اپات الەمدىك نارىقتاعى تاپشىلىقتى كۇشەيتىپ، مۇناي باعاسىنىڭ وسىمىنە ىقپال ەتۋى مۇمكىن دەپ بولجايدى
كاسپيي قۇبىرلارى كونسورسيۋمىنىڭ ارنايى ەكىنشى جابدىق بولىگىندەگى قۇبىرداعى زاقىمدى قالپىنا كەلتىرۋ جۇمىستارى ءبىرشاما ۋاقىتتى الادى. الدىندا سۇڭگۋىرلەر ارنايى ءۇشىنشى جابدىقتان دا وسىنداي اقاۋدى انىقتاعان، دەپ حابارلايدى Almaty-akshamy.kz Zakon.kz-كە سىلتەمە جاساپ.
كاسپيي قۇبىرلارى كونسورسيۋمى قارا تەڭىزدەگى داۋىلدىڭ سالدارىنان ارنايى ەكىنشى جابدىق بولىگىندەگى 9-شى جانە 13ء-شى تارماعىنداعى قۇبىرعا زاقىم كەلگەنىن حابارلادى.
«جۇيەدەگى اتالعان اقاۋ كۇردەلى بولىپ سانالادى. وسى ورايدا قۇرىلعىلاردى ءقاۋىپسىز پايدالانۋعا مۇمكىندىك بەرمەيدى. وسىعان بايلانىستى كاسپيي قۇبىرلار كونسورسيۋمى اتالعان جابدىقتاردى پايدالانۋدى ۋاقىتشا توقتاتۋعا ءماجبۇر بولىپ وتىر»، -دەلىنگەن حابارلامادا.
اۋا رايىنىڭ قولايسىزدىعىنا جانە تانكەرلەردى جۋۋ قاجەتتىلىگىنە بايلانىستى جوندەۋ جۇمىستارىنا ءبىراز ۋاقىت كەتۋى ىقتيمال ەكەندىگى دە ايتىلادى.
22 ناۋرىزدا داۋىلدان كەيىن جاعالاۋدان شىعارىلاتىن قۇرىلعىلاردى تەكسەرۋ كەزىندە ارنايى ەكىنشى جابدىق بولىگىندەگى 9-شى جانە 13ء-شى تارماعىنداعى قۇبىرعا زاقىم كەلگەنى انىقتالعان. وسىعان بايلانىستى جوندەۋ ءارى جۋۋ جۇمىستارىن جۇرگىزۋ ءۇشىن اجب-3ء-تىڭ جۇمىسىن توقتاتۋ تۋرالى شەشىم قابىلداندى.
ساراپشىلار بۇل اپات الەمدىك نارىقتاعى تاپشىلىقتى كۇشەيتىپ، مۇناي باعاسىنىڭ وسىمىنە ىقپال ەتۋى مۇمكىن دەپ بولجايدى.
قازاقستاندىق كومپانيالار كونسورسيۋم اكسيالارىنىڭ 20،75%-نا يە، تاعى 31% - رف، قالعاندارى LUKARKO، Shell، Exxon، Chevron، Mobil جانە باسقا كومپانيالارعا تيەسىلى. كاسپيي قۇبىرلارى كونسورسيۋمى - وتاندىق مۇناي ءۇشىن نەگىزگى ەكسپورتتىق باعىت. قۇبىر ارقىلى ايدالاتىن "قارا التىننىڭ" 80%-دان استامى قازاقستاننان جونەلتىلەدى. ماگيسترالدىڭ جىلدىق قۋاتى 67 ملن توننا مۇنايدى قۇرايدى.