بيزنەستى نەگىزسىز باسى ارتىق باقىلاۋعا، قىلمىستىق قۋدالاۋعا جول جوق.
بيىل بيزنەستى نەگىزسىز قۋدالاۋدان قورعاۋ شارالارىنىڭ ارقاسىندا 60 مىڭ كاسىپكەرگە سالىنعان 700 ملن تەڭگە ايىپپۇلدىڭ كۇشى جويىلعان. بۇل جايىندا پرەزيدەنت قاسىم-جومارت توقايەۆ «التىن ساپا» جانە «پارىز» سىيلىقتارىنىڭ يەگەرلەرىن ماراپاتتاۋ سالتاناتىندا سويلەگەن سوزىندە ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بيزنەستى رەتتەۋدىڭ جاڭا تاسىلدەرى ءىس جۇزىندە 2024 جىلدان باستاپ جۇمىس ىستەي باستاۋى كەرەك.ەكىنشى – بيزنەستىك تەكسەرۋ جانە قىلمىستىق قۋدالاۋ. مەن بۇعان دەيىن دە بيزنەستى نەگىزسىز باسى ارتىق باقىلاۋعا، قىلمىستىق قۋدالاۋعا جول جوق ەكەنىن ايتقانمىن. بۇل – مەنىڭ نىق ۇستانىمىم. بۇل باعىتتا ءبىز كاسىپكەرلەردى نەگىزسىز تەكسەرۋلەردەن اراشالاپ، قىلمىستىق قۋدالاۋدىڭ وربيتاسىنا نەگىزسىز تارتۋدى بولدىرماۋ ءۇشىن شارالار كەشەنىن قابىلدادىق»، - دەدى مەملەكەت باسشىسى.
ال كاسىپكەرلەردى نەگىزسىز قىسپاققا العان 1000-نان استام شەنەۋنىك جازالانعان.
«بيىل 60 مىڭنان استام كاسىپكەر جالپى سوماسى 700 ملن تەڭگەدەي زاڭسىز ايىپپۇلدان بوساتىلدى. 1200 تىيىم سالۋ، شەكتەۋ شارالارىنىڭ كۇشى جويىلدى. كاسىپكەرلەرگە قاتىستى قۇقىققا قايشى ارەكەتتەرى ءۇشىن مىڭنان استام لاۋازىمدى تۇلعانىڭ جازالانعانى ماڭىزدى»، - دەدى پرەزيدەنت.
ايتا كەتەيىك، وسىناۋ سالتاناتتى شارا اياسىندا ۇزدىك دەپ تانىلعاندارعا «قازاقستاننىڭ ۇزدىك تاۋارى»، «Qazaqstan Project Management Awards -2022»، «تمد بويىنشا ساپا سالاسىنداعى 2021 جىلدىڭ سىيلىعى» سياقتى كاسىپكەرلىك باعىتتاعى ماراپاتتار دا تابىستالدى.
سونداي-اق، «ارۋانا»، «بيزنەس كەمەلدiلiك»، «ىسكەر»، «ۇلى دالا ەلى» سىيلىقتارىنىڭ جەڭىمپازدارى دا ماراپاتتالدى.
بيىل «التىن ساپا» سىيلىعىنا 281 ۇمىتكەر ءوتىنىم تاپسىرعان. ساراپشىلار سونىڭ ىشىنەن ءىرى، ورتا جانە شاعىن بيزنەس بويىنشا 14 بيزنەس نىسانىن 4 اتالىم نەگىزىندە ىرىكتەپ الدى.