مەملەكەت باسشىسى «التىن ساپا» جانە «پارىز» سىيلىقتارىنىڭ يەگەرلەرىن ماراپاتتاۋ سالتاناتىندا مەملەكەت باسشىسى ەلدىڭ بيزنەس وكىلدەرىنە العىس ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«بيىل قاراشادا قۋاتى 500 مىڭ توننا بولاتىن پوليپروپيلەن زاۋىتى ىسكە قوسىلدى. بۇل كاسىپورىن قازاقستاننىڭ ورتالىق ازياداعى پوليپروپيلەن نارىعىندا كوش باستاۋىنا مۇمكىندىك بەرەدى. بۇدان بولەك، قىزىلوردا قالاسىندا شىنى وندىرەتىن زاۋىت ءوز جۇمىسىن باستادى. بۇعان 42 ملرد تەڭگە ينۆەستيسيا سالىندى. شىعىس قازاقستان وبلىسىندا كۇنباعىس مايىن شىعاراتىن زاماناۋي زاۋىت ىسكە قوسىلدى. بۇل جوباعا 29 ملرد تەڭگە ينۆەستيسيا جۇمسالدى»، - دەدى ءوز سوزىندە مەملەكەت باسشىسى.
قاسىم-جومارت توقايەۆتىڭ ايتۋىنشا، اتالعان جوبالار ەل ەكونوميكاسىنىڭ يمپورتقا تاۋەلدىلىگىن ازايتادى.
«وسى كاسىپورىندار - ءبىزدىڭ يمپورتقا تاۋەلدىلىگىمىزدى ازايتاتىن بىرەگەي يندۋستريالدىق جوبالار. ءبىر سوزبەن ايتقاندا، بيزنەس مەملەكەتتىڭ سەنىمدى سەرىكتەسى بولىپ وتىر. وسى رەتتە مەن ۇسىنعان ساياسي باعدارلاماعا قولداۋ كورسەتكەنى ءۇشىن بيزنەس وكىلدەرىنە شىنايى ريزاشىلىعىمدى بىلدىرەمىن»، - دەدى پرەزيدەنت.