جىل اياعىنا دەيىن جالپى قۇنى 2 ترلن تەڭگە بولاتىن 160 جوبا جۇزەگە اسىرىلادى. بۇل تۋرالى مەملەكەت باسشىسى «التىن ساپا» جانە «پارىز» سىيلىقتارىنىڭ يەگەرلەرىن ماراپاتتاۋ كەزىندە ايتتى، دەپ حابارلايدى اlmaty-akshamy.kz.
«ءبىز بۇل كونكۋرستى جىل سايىن وتكىزىپ، تابىسقا جەتكەن كاسىپكەرلەرگە قۇرمەت كورسەتەمىز. سونداي-اق الەۋمەتتىك جۋاپكەرشىلىك تانىتقان، ەل ومىرىنە بەيجاي قاراماعان كاسىپورىنداردى ماراپاتتايمىز. وسى كۇنگە دەيىن ەلىمىزدىڭ 160-تان استام كومپانياسى «التىن» ساپا» سىيلىعىنىڭ لاۋرەاتى اتاندى. 365 كاسىپورىنعا «پارىز» سىيلىعى تابىستالدى. مۇنىڭ ءبارى وتاندىق بيزنەستىڭ قارقىندى دامىپ كەلە جاتقانىن اڭعارتادى. جالپى، 2005 جىلدان بەرى شاعىن جانە ورتا بيزنەستىڭ ىشكى جالپى ونىمدەگى ۇلەسى ءۇش ەسە ءوستى. ياعني، ول ءقازىر ەل ەكونوميكاسىنىڭ 34 پايىزىنا جۋىقتادى. بۇگىندە وسى سالادا 3،5 ميلليوننان استام ادام جۇمىس ىستەيدى. بۇل ەڭبەك ەتەتىن حالىقتىڭ 40 پايىزى دەگەن ءسوز»، - دەدى قاسىم-جومارت توقايەۆ.
سونداي-اق، بيىل ىسكە اسقان جوبالاردىڭ ارقاسىندا 17 مىڭ جاڭا جۇمىس ورنى اشىلاتىنىن ءمالىم ەتتى.
«بىلتىر وڭدەۋ ونەركاسىبىنىڭ كولەمى رەكوردتىق كورسەتكىشكە – 20 ملرد دوللارعا جەتتى. وسى جىلدىڭ سوڭىنا دەيىن جالپى قۇنى 2 ترلن تەڭگە بولاتىن 160 جوبا جۇزەگە اسىرىلادى. سونىڭ ناتيجەسىندە 17 مىڭ جاڭا جۇمىس ورىن اشىلادى»، - دەدى مەملەكەت باسىشسى.