بۇگىن اقش-تا تاۋەلسىزدىك دەكلاراسياسى قابىلدانعان كۇن.
قاسىم-جومارت توقايەۆ اقش-تىڭ تاۋەلسىزدىك كۇنىنە وراي دجوزەف بايدەنگە قۇتتىقتاۋ جەدەلحاتىن جولدادى، دەپ حابارلايدى Almaty-akshamy.kz اقورداعا سىلتەمە جاساپ.
مەملەكەت باسشىسى قاسىم-جومارت توقايەۆ اقش پرەزيدەنتى دجوزەف بايدەندى جانە امەريكا حالقىن تاۋەلسىزدىك كۇنىمەن قۇتتىقتادى.
پرەزيدەنت قازاقستان مەن امەريكانىڭ قاۋىپسىزدىكتى قامتاماسىز ەتۋ، ەنەرگەتيكا، ينۆەستيسيا تارتۋ، كليماتتىڭ وزگەرۋىنە قارسى كۇرەس سالالارىنداعى كەڭەيتىلگەن ستراتەگيالىق سەرىكتەستىكتىڭ جانە ەكى ەل حالىقتارى اراسىنداعى قاتىناستاردىڭ قارقىندى دامىپ كەلە جاتقانىن اتاپ ءوتتى.
مەملەكەت باسشىسى ءوز جەدەلحاتىندا ورتالىق ازيا ايماعىنىڭ قاۋىپسىزدىگى مەن ءوزارا بايلانىسىن نىعايتۋعا قولداۋ كورسەتكەنى ءۇشىن ريزاشىلىعىن ءبىلدىردى.
سونىمەن قاتار قاسىم-جومارت توقايەۆ بارلىق سالاداعى ىنتىماقتاستىقتىڭ ودان ءارى تابىستى دامي بەرەتىنىنە سەنىم ءبىلدىردى.