الماتى پوليسەيلەرى 30 ماۋسىم كۇنى اياقتالعان «بورىشكەر»الدىن الۋ ءىس-شاراسىن قورىتىندىلادى.
ءتارتىپ ساقشىلارى، جەدەل الدىن الۋ ءىس-شاراسىنىڭ مۇلدەم توزبەۋشىلىك قاعيداتىن جانە جاسالعان قۇقىق بۇزۋشىلىقتار ءۇشىن جازانىڭ بۇلتارتپاستىعىن قامتاماسىز ەتۋ، سونداي-اق سالىنعان اكىمشىلىك ايىپپۇلداردى، اليمەنتتەردى ءوندىرۋ تيىمدىلىگىن ارتتىرۋ ماقساتىندا جۇرگىزىلگەنىن ەسكە سالدى، دەپ حابارلايدى Almaty-akshamy.kz.
Polisia.kz اقپاراتى بويىنشا، بار بولعانى جارتى كۇننىڭ ىشىندە مەدەۋ اۋداندىق پوليسيا باسقارماسىنىڭ قىزمەتكەرلەرى 35 كولىكتى ۇستادى. ولاردىڭ يەلەرىندە جالپى سوماسى 3 ملن تەڭگەدەن استام ايىپپۇل بويىنشا قارىزى بار. بۇل كولىكتەر قارىز تولىق وتەلگەنشە مامانداندىرىلعان ايىپپۇل تۇراعىندا بولادى.