وردەن ەكى ەل اراسىنداعى ساياسي، ەكونوميكالىق جانە مادەني قاتىناستاردى نىعايتۋعا قوسقان ايرىقشا ۇلەسى ءۇشىن بەرىلدى.
قازاقستان پرەزيدەنتى قاسىم-جومارت توقايەۆتىڭ جارلىعىمەن ءازىربايجان باسشىسى يلحام الييەۆ «التىن قىران» وردەنىمەن ماراپاتتالدى، دەپ حابارلايدى Almaty-akshamy.kz اقورداعا سىلتەمە جاساپ.
«قازاقستان رەسپۋبليكاسى مەن ءازىربايجان رەسپۋبليكاسى اراسىنداعى ەكىجاقتى ساياسي، ەكونوميكالىق جانە مادەني قاتىناستاردى نىعايتۋعا جانە دامىتۋعا قوسقان ايرىقشا ۇلەسى ءۇشىن ءازىربايجان رەسپۋبليكاسىنىڭ پرەزيدەنتى يلحام گەيدار وگلى الييەۆ «التىن قىران» وردەنىمەن ناگرادتالسىن»، - دەلىنگەن جارلىق ماتىنىندە.
جارلىق قول قويىلعان كۇنىنەن باستاپ قولدانىسقا ەنگىزىلەدى.
ايتا كەتەرى، «التىن قىران» وردەنى - قازاقستان رەسپۋبليكاسىنىڭ جوعارى دارەجەلi ەرەكشەلiك بەلگiسi.
ەسكە سالساق، مەملەكەت باسشىسى قاسىم-جومارت توقايەۆ بۇگىن، 24 تامىزدا، رەسمي ساپارمەن باكۋگە باردى. بۇل توقايەۆتىڭ قازاقستان پرەزيدەنتى رەتىندە ءازىربايجانعا جاساعان العاشقى رەسمي ساپارى.