الماتى قالاسى اۋەزوۆ اۋدانىنىڭ اكىمى سايران سايفەدەنوۆ اۋدانداعى جول ينفراقۇرىلىمىنىڭ ساپاسىن ارتتىرۋ تۋرالى وڭىرلىك كوممۋنيكاسيالار قىزمەتىنىڭ بريفينگىندە ايتتى، دەپ حابارلايدى اlmaty-akshamy.kz الماتى قالاسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.
س. سايفەدەنوۆتىڭ حابارلاۋىنشا، ۇزىندىعى 32،4 شاقىرىم 23 كوشەگە جانە وتەتىن جولدارعا، ونىڭ ىشىندە ۇزىندىعى 16،9 شاقىرىم جولعا ورتاشا جوندەۋ جۇمىسى قارقىندى جۇرگىزىلۋدە. 17 كوشە جانە وتەتىن جولدار ءقازىردىڭ وزىندە جوندەلدى (52% ورىندالدى). 2022 جىلدىڭ قاراشاسىنا دەيىن بارلىق ۋچاستوكتارداعى جۇمىستار اياقتالادى.
بۇل رەتتە ۇزىندىعى 3،8 شاقىرىمدى قۇرايتىن 15 ۋچاسكەدە جاياۋ جۇرگىنشىلەر جولىن جوندەۋ جوسپارلانسا، بۇگىندە 13 ۋچاسكە (87%) جوندەلدى. جۇمىس اعىمداعى جىلدىڭ قىركۇيەك ايىنىڭ سوڭىنا دەيىن اياقتالادى.
اۋدان اكىمى كوممۋنالدىق شارۋاشىلىق سالاسىنداعى احۋال تۋرالى ايتىپ بەردى.
«2020-2025 جىلدارعا ارنالعان «نۇرلى جەر» باعدارلاماسى اياسىندا تۇرعىن ۇيلەردىڭ كوممۋنالدىق قىزمەتتەرىنىڭ جاعدايىن جاقسارتۋ قاجەت. 2022 جىلى 190 ليفت اۋىستىرىلدى، 12 ليفت جۇمىس ىستەيدى. سونداي-اق، جوسپارلانعان 40 ملن تەڭگەگە 8 كوپ قاباتتى ۇيدە قوعامدىق اۋماقتاردى جوندەۋ جۇمىستارى جۇرگىزىلدى»، - دەدى اۋدان اكىمى.
ينجەنەرلىك ينفراقۇرىلىمدى دامىتۋعا قاتىستى ايتا كەتسەك، اۋەزوۆ اۋدانى سۋمەن، گازبەن، ەلەكترمەن قامتۋ 100%، كارىز جەلىلەرىمەن 85% قامتاماسىز ەتىلگەن.
سونىمەن قاتار، جەلىلەردى قايتا قۇرۋدى قاجەت ەتەتىن ءبىرقاتار پروبلەمالىق ايماقتار بار. ماسەلەن، قالا اكىمى ە.دوسايەۆتىڭ تاپسىرماسى بويىنشا سۋ قۇبىرى جانە سۋدان بۇرۋ جەلىلەرىن سالۋ جانە جاڭعىرتۋدىڭ جوبالىق-سمەتالىق قۇجاتتاماسى ازىرلەنۋدە. بۇل جۇمىستار "دوستىق"، "مامىر-4" شاعىناۋداندارىندا 61،8 شاقىرىم، ساين-شالياپين-جاندوسوۆ كوشەلەرى - قارعالى وزەنى كوشەلەرىنىڭ الاڭىندا، سونداي-اق ارىچنايا، ىقىلاس، زاپادنايا كوشەلەرىنىڭ بويىندا جۇرگىزىلمەك.
بۇل جوبالاردى جۇزەگە اسىرۋ 2000-نان استام ابونەنتتى ساپالى سۋمەن جانە كارىزبەن قامتاماسىز ەتۋگە مۇمكىندىك بەرەدى.