«قازاقفيلم» قىزمەتكەرلەرىنىڭ جالاقىسى كوتەرىلەدى

بيىل كينوستۋديانىڭ 14 ءفيلمى 7 حالىقارالىق كينوفەستيۆالگە قاتىسىپ، 10-نان استام جۇلدەگە يە بولدى.

شاكەن ايمانوۆ اتىنداعى «قازاقفيلم» كينوستۋدياسى قىزمەتكەرلەرىنىڭ جالاقىسى 30 پايىزعا كوتەرىلەدى، دەپ حابارلايدى Almaty-akshamy.kz مادەنيەت جانە سپورت مينيسترلىگىنىڭ رەسمي سايتىنا سىلتەمە جاساپ.

مينيستر داۋرەن ابايەۆ «قازاقفيلم» كينوستۋدياسىنىڭ جۇمىسىمەن تانىستى. سول جەردە ستۋديا باسشىسى اقان ساتايەۆ 1 قىركۇيەكتەن باستاپ قىزمەتكەرلەردىڭ ەڭبەكاقىسى ورتا ەسەپپەن 30 پايىزعا كوتەرىلەتىنىن ايتتى.

مينيسترلىك وتاندىق كينەماتوگرافيانى دامىتۋعا باعىتتالعان ءبىرقاتار مىندەتتەر قويدى.

بۇدان باسقا، ينجەنەرلىك جەلىلەر مەن عيماراتتار جاڭارتىلادى، كۇردەلى جوندەۋ جۇمىستارى اتقارىلادى. سونداي-اق، ءتۇسىرىلىم پاۆيلوندارىن سالۋ جانە زاماناۋي جابدىقتار ساتىپ الۋ شارالارى قولعا الىندى.

«كينوستۋديانىڭ بارلىق ينفراقۇرىلىمى كەزەڭ-كەزەڭىمەن جاڭارتىلاتىن بولادى. ءبىز زاماناۋي كينوستۋديا قۇرعىمىز كەلەدى جانە ورتالىق ازيا وڭىرىندە كوشباسشى ورىنعا شىعۋ ءۇشىن بار كۇشىمىزدى سالامىز. بۇگىندە كينوعا ءتۇسىرۋ جابدىعى، جارىقتاندىرۋ تەحنيكاسى، سەرۆەرلىك جابدىق، دەرەكتەردى وڭدەۋ ورتالىعى، بەينە-دىبىستىق مونتاجداۋ جانە انيماسيالىق كومپيۋتەرلەر ساتىپ الىندى»، - دەيدى ساتايەۆ.

ال مادەنيەت جانە سپورت ءمينيسترى وتاندىق كينەماتوگرافيانى دامىتۋعا جانە ناسيحاتتاۋعا باعىتتالعان ءبىرقاتار مىندەتتەر قويدى.