مەملەكەت باسشىسى ابۋ ءدابيدىڭ تاق مۇراگەرى حالەد بەن مۇحاممەد ءال ناحايانمەن كەلىسسوز جۇرگىزدى، دەپ حابارلايدى aqshamnews.kz
➤ قاسىم-جومارت توقايەۆ مارتەبەلى مەيمانعا ءىلتيپات ءبىلدىرىپ، ونىڭ بۇل ساپارى قازاقستان مەن بىرىككەن اراب امىرلىكتەرى اراسىنداعى ىنتىماقتاستىققا تىڭ سەرپىن بەرەتىنىنە نازار اۋداردى.
✔️ پرەزيدەنتتىڭ ايتۋىنشا، امىرلىكتەر – ەلىمىزدىڭ ەڭ باستى سەرىكتەستەرىنىڭ ءبىرى. قوس مەملەكەتتىڭ ماقسات-مۇددەلەرى بىر-بىرىمەن سايكەس كەلەدى. 2023 جىلى ەكى ەل ۇكىمەتتەرى ستراتەگيالىق ينۆەستيسيالىق جوبالاردى جۇزەگە اسىرۋ تۋرالى بىرلەسكەن دەكلاراسياعا قول قويدى.
✔️ كەزدەسۋدە بىرىككەن اراب امىرلىكتەرىنىڭ قازاقستان ەكونوميكاسىنداعى ەڭ ءىرى شەتەلدىك ينۆەستورلاردىڭ وندىعىنا كىرەتىنى جونىندە ايتىلدى. بىلتىر ءباا-نىڭ ەلىمىزگە قۇيعان ينۆەستيسيا كولەمى ەكى ەسەگە ارتىپ، رەكوردتىق كورسەتكىشكە جەتتى.
✔️ مەملەكەت باسشىسى اتالعان ساپار اياسىندا قۇنى 5 ميلليارد دوللاردى قۇرايتىن 20-دان استام كوممەرسيالىق كەلىسىمگە قول قويىلاتىنىن قۇپتادى. ولاردى جۇزەگە اسىرۋ ەلدەر اراسىنداعى ستراتەگيالىق ىنتىماقتاستىقتى ايتارلىقتاي ىلگەرىلەتىپ، ءوزارا ءتيىمدى بايلانىستاردى نىعايتۋعا سەپتىگىن تيگىزەدى.
➤ ابۋ ءدابيدىڭ تاق مۇراگەرى كورسەتىلگەن قوناقجايلىق ءۇشىن ريزاشىلىعىن ءبىلدىردى. سونىمەن قاتار تابيعاتى كوركەم، حالقى جايساڭ ەلىمىزگە ەرەكشە قۋانىشپەن كەلەتىنىن جەتكىزدى.
✔️ حالەد بەن مۇحاممەد ءال ناحايان قازاقستان مەن ءباا اراسىنداعى قارىم-قاتىناس ءوزارا سەنىم، قولداۋ جانە ورتاق يگىلىككە بىرگە ۇمتىلۋ قاعيداتتارىنا قۇرىلعانىن اتاپ ءوتتى. بۇل بايلانىستار ساۋدا-ينۆەستيسيالىق ىقپالداستىق شەڭبەرىنەن شىعىپ، ەنەرگەتيكا، كولىك سالالارىنان باستاپ سيفرلىق ينفراقۇرىلىم مەن ءبىلىم بەرۋ ىسىنە دەيىن جالعاسىپ جاتقان كەڭ اۋقىمدى باعىتتاردى قامتيتىنىنا توقتالدى.
✔️ تاق مۇراگەرىنىڭ ايتۋىنشا، بۇگىن قول قويىلاتىن كەلىسىمدەر ەكى ەلدىڭ بولاشاقتا دا بىرلەسىپ جۇمىس ىستەۋگە بەيىل ەكەنىن دالەلدەيدى.