الماتى پوليسياسى ايگىلى "نۇر-مۇقاسان" توبىنىڭ بۇرىنعى جانە قازىرگى سوليستەرىنە قاتىستى جانجالعا پىكىر ءبىلدىردى، دەپ حابارلايدى اqshamnews.kz ءتىلشىسى.
بۇعان دەيىن الەۋمەتتىك جەلىدە توپتىڭ قازىرگى ءسوليسى عالىمجان سۇلەيمەندى بۇرىنعى قاتىسۋشى مۇقاسان شاحزادايەۆ پەن ونىڭ تانىستارى ۇرىپ-سوققانى تۋرالى اقپارات تاراعان. زارداپ شەگۋشىنىڭ ايتۋىنشا، وقيعا 20 قاراشادا بولعان. جانجال توپتىڭ اندەرىن رۇقساتسىز ورىنداۋ داۋىنا بايلانىستى تۋىنداعان.
پوليسيا مالىمەتىنشە، 22 قاراشادا ناۋرىزباي اۋدانىنىڭ پوليسيا باسقارماسىنا تۇرعىننان ازامات م. جانە وزگە دە ادامدار تاراپىنان دەنە جاراقاتىن سالۋ بويىنشا شاعىم تۇسكەن. اتالعان فاكتى بويىنشا قىلمىستىق ءىس قوزعالدى. قازىرگى تاڭدا بارلىق ءمان-جاي انىقتالىپ، جان-جاقتى جانە وبەكتيۆتى تەرگەۋ جۇرگىزىلىپ جاتىر. تەرگەۋ قورىتىندىسى بويىنشا زاڭعا سايكەس شارالار قابىلدانادى.