توپاردىڭ توپىراعىنا تەكسەرىس جۇرگىزىلىپ جاتىر.
ۆەتەرينارلار ۆيرۋس بولۋى مۇمكىن دەگەن جەرلەردەن سىناما الىپ، ۇلتتىق رەفەرەنتتىك ورتالىققا جىبەردى. بۇدان وزگە جايىلىم مەن شابىندىقتان الىنعان سىنامالار ۆەتەريناريالىق زەرتتەۋگە جولداندى. جاۋاپتىلار توپار كەنتى ماڭىندا بۇرىن-سوڭدى بۇل ىندەتتىڭ تىركەلمەگەنىن ايتادى. سوندىقتان شەكارالاس اۋىلداردان كەلگەن بولۋى مۇمكىن دەگەن كۇدىك بار. ءبىراق بۇل ازىرگە بولجام. ماماندار اۋرۋ جۇققان بۇزاۋمەن قاتار تۇرعان. 3 سيىردىڭ دا كوزىن جويدى. ءقازىر كەنتتە ساۋىقتىرۋ جانە زارارسىزداندىرۋ جۇمىستارى ءجۇرىپ جاتىر.
«بۇگىنگى كۇنى ەپيزوتيالىق احۋال تۇراقتى. قوسىمشا اۋىرعان مال تىركەلگەن جوق. كارانتيندىك ءىس-شارالار سوڭعى ينفەكسيا كوزى جويىلعاننان كەيىن جانە قورتىندى دەزينفەكسيانىڭ ناتيجەسىنە سايكەس 15 كۇننەن كەيىن الىنادى»، - دەيدى اۋماقتىق ينسپەكسيا باسشىسىنىڭ ورىنباسارى دانيار مەرعازين.