بۇعان دەيىن ءدارىنىڭ 90 ءتۇرىن مىندەتتى تۇردە تاڭبالاۋ ەنگىزىلگەن بولاتىن.
2024 جىلدىڭ 1 شىلدەسىنەن باستاپ تاڭبالانۋعا جاتاتىن دارىلەر ءتىزىمى كەڭەيتىلدى، دەپ حابارلايدى Almaty-akshamy.kz
جۇرگىزىلگەن جۇمىستاردىڭ قورىتىندىسى بويىنشا 2023 جىلدىڭ قازان ايىنىڭ سوڭىندا قازاقستان رەسپۋبليكاسىنىڭ پرەمەر-مينيسترى ءاليحان سمايىلوۆقا دارىلىك زاتتاردىڭ قوزعالىسىن قاداعالاۋ جۇيەسى ۇسىنىلدى.
دارىلىك زاتتاردى قاداعالاۋ جۇيەسى بىردەن بىرنەشە ماسەلەنى شەشەدى. اتاپ ايتقاندا، مەديسينالىق ۇيىمداردا دارىلىك زاتتاردى قايتالاپ جازۋ جانە جالعان ەسەپتەن شىعارۋ مۇمكىندىگىن جويۋ، دارىلىك زاتتاردىڭ بولشەك ساۋداداعى باعاسىن، قالدىقتارىن جانە جارامدىلىق مەرزىمىن قاداعالاۋ. تولىق قاداعالاۋ ءۇشىن ءار دارىلىك زاتقا ەكى ولشەمدى بىرەگەي Data Matrix كودى قولدانىلادى. سونىڭ ناتيجەسىندە رەسپۋبليكاداعى دارى-دارمەكتىڭ تولىق اينالىمىن وندىرىلگەن ساتتەن باستاپ قولدانىسقا دەيىن ونلاين باقىلاۋعا بولادى.
وتىرىس ناتيجەسىندە 2024 جىلعى 1 شىلدەسىنەن باستاپ قازاقستاندا مىندەتتى تاڭبالانۋعا جاتاتىن دارىلىك زاتتاردىڭ تىزبەسى قازاقستان رەسپۋبليكاسى ۇكىمەتىنىڭ قاۋلىسىنا سايكەس كەڭەيتىلدى. تولىق تىزىممەن قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىندە تانىسۋعا بولادى.
سالانىڭ اشىقتىعىن ارتتىرۋ ىقتيمال كونترافاكتىلىك ونىمدەردى انىقتاۋعا، سونداي-اق دارىلىك زاتتاردىڭ بەكىتىلگەن بولشەك ساۋدا باعالارىن باقىلاۋعا مۇمكىندىك بەرەدى.
"جاڭا جۇيە ەل تۇرعىندارىن كونترافاكتىلىك ونىمدەردەن قورعايدى. تۇتىنۋشى ساتىپ العان دارى-دارمەكتىڭ زاڭدى ەكەنىنە جانە ولاردىڭ ءومىرى مەن دەنساۋلىعىنا ءقاۋىپسىز ەكەنىنە ەش كۇماندانباۋىنا بولادى"، — دەپ اتاپ ءوتتى پرەمەر-مينيستردىڭ ورىنباسارى تامارا دۇيسەنوۆا.