قازاقستاننىڭ حالىق ءارتىسى شاحيماردان ءابىلوۆتىڭ شىعارماشىلىق كەشى وتۋدە
الاتاۋ اۋدانىنداعى الماتى قالاسى اكىمدىگىنىڭ قولداۋىمەن جاڭا ۇلگىدە اشىلعان دارىندى بالالارعا ارنالعان وقۋشىلاردىڭ يننوۆاسيالىق شىعارماشىلىق ورتالىعىندا قازاقستاننىڭ ەڭبەك سىڭىرگەن قايراتكەرى شاحيماردان ءابىلوۆتىڭ «تولىق ادام، وي تولعاۋ، حاكىم اباي» اتتى مونو-وپەرا، مونو-رەكۆيەم شىعارماشىلىق كەشى ءوتىپ جاتىر.
مادەني ءىس-شاراعا الماتى قالاسى اكىمىنىڭ ورىنباسارى اسەم ءنۇسىپوۆا، ارداگەر-ۇستازدار مەن كلاسسيكالىق ونەردى سۇيەتىن كورەرمەن قاتىسۋدا. كەشتى تاماشالاۋعا 300-گە جۋىق وقۋشى كەلگەن.
بەلگىلى ءانشى، ۆوكالدىق ليريكانىڭ تاماشا ورىنداۋشىسى شاحيماردان ءابىلوۆتىڭ ەسىمى قازاقستاندا عانا ەمەس، ودان تىس جەرلەردە دە كەڭىنەن تانىمال. بۇگىندە ش.ءابىلوۆ – رەسپۋبليكامىزدىڭ مۋزىكالىق مادەنيەتىندە ەرەكشە ورىن الاتىن ونەر يەسى. ءانشىنىڭ شىعارماشىلىعىنىڭ شىڭى اباي ولەڭدەرىنە كامەرالىق-ۆوكالدىق شىعارمالاردى ورىنداۋ بولدى.
وقۋشىلاردىڭ ادەبي ءارى مادەني تانىمدىلىعىن ارتتىرۋ ماقساتىندا اتالمىش ونەر يەسىمەن كەزدەسۋدى قالالىق ءبىلىم باسقارماسى ۇيىمداستىرىپ وتىر.
دارىندى بالالار مەن جاسوسپىرىمدەردىڭ شىعارماشىلىعىن قولداۋعا ارنالعان ورتالىق 3 قاباتتان تۇرادى. وقۋشىلاردىڭ شىعارماشىلىق دامۋىنا بارلىق جاعداي جاسالعان. اپتاسىنا 5000-عا جۋىق بالا قابىلدايدى