گەرمانيا مەن بەلگيانىڭ اسكەري ساراپشىلار توبى رايىمبەك باتىر اتىنداعى الماتى دەسانتتىق-شابۋىلداۋ بريگاداسىنا ينسپەكسيا جۇرگىزدى.
اتالمىش شارالار سەنىم مەن قاۋىپسىزدىكتى نىعايتۋ شارالارى بويىنشا 2011 جىلعى ۆەنا قۇجاتى شەڭبەرىندە جۇزەگە اسىرىلدى، دەپ حابارلايدى Almaty-akshamy.kz
ق ر قورعانىس مينيسترلىگى قارۋ-جاراقتى باقىلاۋ جانە ينسپەكسيالاۋدى قامتاماسىز ەتۋ ورتالىعىنىڭ ەۋروپالىق جانە ستراتەگيالىق قاۋىپسىزدىك شارتتارى مەن كەلىسىمدەرىن ىسكە اسىرۋ ءبولىمىنىڭ باستىعى پودپولكوۆنيك ارنۇر اقجىگىتوۆ قازاقستان قارۋ-جاراقتى باقىلاۋ سالاسىنداعى حالىقارالىق ءوزارا ءىس-قيمىلعا قاشاندا بەلسەندى جانە دايەكتى تۇردە قاتىساتىنىن جانە سولاي بولىپ قالا بەرەتىنىن اتاپ ءوتتى.
بريفينگ بارىسىندا اسكەري ءبولىمنىڭ كومانديرى پودپولكوۆنيك دانيار كارمانوۆ بريگادانىڭ قۇرىلۋ تاريحى، ونىڭ مىندەتتەرى، ماقساتى مەن قۇرامى تۋرالى ايتىپ بەردى.
شەتەلدىك ساراپشىلار بارلىق ساناتتاعى اسكەري قىزمەتشىلەردى پاراشيۋتپەن سەكىرۋگە قالاي دايىندايتىنىن، قارۋ-جاراق پەن جۇكتەردى دەسانتتاۋدى قالاي ىسكە اسىراتىنىن كورىپ، قالالىق جەرلەردە ۇرىس جۇرگىزۋدى ۇيرەتۋ ۇدەرىسىمەن تانىستى.
اسكەري ءبولىمنىڭ اۋماعىن تەكسەرۋ جاۋىنگەرلىك تەحنيكانى، سپورت كەشەنىن كورسەتۋدەن باستالدى. شەتەلدىك دەلەگاسيا وكىلدەرىنە جاۋىنگەرلىك ماشينالار پاركى، قارۋ-جاراق پەن اسكەري تەحنيكانى جوندەۋ شەبەرحانالارى، وقۋ سىنىپتارى، اۋە-دەسانتتىق دايىندىق كەشەنى جانە اسكەري قىزمەتشىلەردى قالالىق جاعدايلاردا ءىس-قيمىلعا ۇيرەتۋگە ارنالعان تاكتيكالىق قالاشىق كورسەتىلدى.
ودان وزگە شەتەلدىك وكىلدەر كازارماعا، اسكەري ءبولىمنىڭ اسحاناسىنا جانە جاۋىنگەرلىك داڭق مۇراجايىنا بارىپ، قۇرمەتتى قوناقتار كىتابىنا قولتاڭبا قالدىردى.
كەزدەسۋ سوڭىندا اسكەري ينسپەكتورلار قازاقستاننىڭ قارۋ-جاراقتى باقىلاۋ سالاسىنداعى حالىقارالىق مىندەتتەمەلەردى ادال ورىندايتىنىن راستادى.