قازاقستان حالقىنا جولداۋىن جاريالاعان پرەزيدەنت قاسىم-جومارت توقايەۆ ۇلتتىق تولەم جۇيەسىن 2024 جىلى تولىق ەنگىزۋدى تاپسىردى
«تاعى ءبىر ماڭىزدى ماسەلە – قور نارىعىن دامىتۋ. ءقازىر قازاقستاندا ەكى قور بيرجاسى بار. ولار جۇمىس بارىسىندا كوبىنە ءبىرىن-بىرى قايتالايدى، ءتىپتى ءوزارا باسەكەگە ءتۇسىپ جاتادى. ەلىمىزدىڭ قارجى جۇيەسى ءۇشىن بۇل تىم ارتىق. ىشكى نارىقتىڭ كولەمىن جانە تارتىمدىلىعىن ارتتىرۋ ءۇشىن وسى بيرجالاردىڭ الەۋەتىن بىرىكتىرىپ، ءبىر جەردەن باسقارۋ ماسەلەسىن قاراستىرۋ قاجەت»، - دەپ ۇسىنىس ءبىلدىردى مەملەكەت باسشىسى.
سونىمەن بىرگە، پرەزيدەنت كەلەر جىلى ۇلتتىق تولەم جۇيەسىن تولىق ەنگىزۋ جۇمىسىن اياقتاۋدى تاپسىردى.
«تولەم جۇيەلەرىنىڭ تۇراقتىلىعىن ساقتاۋ دا وتە وزەكتى ماسەلەنىڭ ءبىرى بولىپ وتىر. بىلتىر ۇلتتىق بانك ۇلتتىق تولەم جۇيەسىنىڭ ءبىرىنشى بولىگى – جىلدام تولەمدەر جۇيەسىن ىسكە قوستى. قازىرگى تاڭدا بۇل جۇيە پيلوتتىق رەجيمدە جۇمىس ىستەپ جاتىر. ۇلتتىق بانككە 2024 جىلى ۇلتتىق تولەم جۇيەسىن تولىق ەنگىزۋ جۇمىسىن اياقتاۋدى تاپسىرامىن»، - دەدى پرەزيدەنت.