سالىقتىق جەڭىلدىكتەردى 20 پايىزعا قىسقارتۋ كەرەك. بۇل تۋرالى پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جولداۋىن جاريالاعان مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz.
«تاعى ءبىر ماڭىزدى ماسەلە. مەن ەكونوميكانىڭ ءارتۇرلى سەكتورلارىندا بۇرىن جاريالاعان سالىق ستاۆكالارىن سارالاۋ ءوندىرىستىڭ كۇردەلىلىگىن ارتتىرۋعا پروپورسيونالدى تۇردە سالىق جۇكتەمەسىن ءبولۋدى قامتاماسىز ەتۋى كەرەك. كاسىپكەرلەر قوسىلعان قۇن سالىعىن قايتارۋدىڭ كۇردەلى پروسەدۋراسىنا شاعىمدانادى. بۇل ەلدەگى ينۆەستيسيالىق احۋالدى ايتارلىقتاي ناشارلاتادى. ۇكىمەت بۇل ەسكى ماسەلەنى تەز ارادا شەشۋى كەرەك»، - دەدى مەملەكەت باسشىسى.
پرەزيدەنتتىڭ اتاپ وتۋىنشە، سالىق جەڭىلدىكتەرىن رەتكە كەلتىرۋ كەرەك. ولار ەكونوميكالىق ىنتالاندىرۋدىڭ اتاۋلى قۇرالى بولۋعا ءتيىس.
«الىنباعان سالىقتار - سالىنباعان اۋرۋحانالار، جولدار مەن مەكتەپتەر. سالىقتىق جەڭىلدىكتەر كولەمىن سىني تۇرعىدان تالداپ، كەم دەگەندە 20 پايىزعا قىسقارتۋ كەرەك. قالعان پرەفەرەنسيالار ناقتى ەرەجەلەر بويىنشا، جەكەلەگەن جوبالار مەن تۇلعالارعا بايلانىستىرماي بەرىلۋى ءتيىس»، - دەدى قاسىم-جومارت توقايەۆ.