جۇلدەگەرگە سىياقى تابىستالدى.
InterContinental Almaty قوناق ۇيىندە بوكستان توكيو-2020 وليمپياداسىنىڭ جۇلدەگەرلەرىنە اقشالاي سىياقى تابىس ەتىلدى، دەپ حابارلايدى Almaty-akshamy.kz. قازاقپارات سايتىنا سىلتەمە جاساپ.
ەلىمىزدىڭ بوكس فەدەراسياسىنىڭ پرەزيدەنتى كەڭەس راقىشيەۆ وليمپيادانىڭ قولا جۇلدەگەرى ساكەن بيبوسىنوۆ پەن قامشىبەك قوڭقابايەۆقا 50 000 اقش دوللارى، قازاقستان ۇلتتىق قۇراماسىنىڭ جاتتىقتىرۋشىسى - مىرزاعالي ايتجانوۆ پەن سەيىتجان توكەنوۆكە 10 000 اقش دوللارى كولەمىندەگى اقشالاي سەرتيفيكات تابىستادى. سونداي-اق، قۇرامانىڭ باپكەرلەرى مەن وليمپيادا قاتىسۋشىلارى دا نازاردان تىس قالعان جوق.
دالىرەك، بوكستان قازاقستان ۇلتتىق قۇراماسىنىڭ باس باپكەرى عالىمبەك كەنجەبايەۆ، بوكستان قازاقستان ۇلتتىق قۇراماسىنىڭ جاتتىقتىرۋشىسى - مارات جاقييەۆ، نۇرلان اقۇرپەكوۆ، مارات ماناشيەۆ، رومان مينيچكين، وليمپياداعا قاتىسقان بوكسشى سەرىك تەمىرجانوۆ باعالى سىيلىقتارمەن ماراپاتتالدى.