بۇگىندە الماتى قالاسىنىڭ جۇقپالى اۋرۋلار اۋرۋحانالارىندا 5 963 ادام جاتىر، ونىڭ ىشىندە 195 بالا بار.
وڭىرلىك كوممۋنيكاسيالار قىزمەتىنىڭ بريفينگىندە مەگاپوليستىڭ قوعامدىق دەنساۋلىق باسقارماسىنىڭ باسشىسى ناريمان تابىنبايەۆ الماتىداعى ەپيدەميولوگيالىق احۋال تۋرالى ايتتى، دەپ حابارلايدى Almaty-akshamy.kz
سپيكەردىڭ ايتۋىنشا، 15 تامىزدا قالادا كوروناۆيرۋستىق ينفەكسيانىڭ 1 517 وقيعاسى (جەرگىلىكتى) تىركەلدى، ونىڭ ىشىندە 1 429 جاعداي سيمپتومدى جانە 88ء-ى سيمپتومسىز. 944 ادام ەمدەلىپ شىقتى، 651 سىرقات ءتۇستى. بۇگىندە قولدانىستاعى ينفەكسيالىق توسەك-ورىندار 63%-دى قۇرايدى.
«امسك جانە تەلەمەديسينا ورتالىعىنىڭ ءموبيلدى توپتارى 13 221 پاسيەنتتى ۇيدە باقىلاۋدا، ولاردىڭ جەڭىل جانە ورتاشا اۋىر دارەجەدەگىسى - 12 685، سيمپتومسىز - 535 ادام»، - دەدى ناريمان تابىنبايەۆ.
ول سونداي-اق اعىمداعى جىلدىڭ 16 تامىزىنداعى جاعداي بويىنشا 817 196 ادامعا ءبىرىنشى كومپونەنتپەن، ال 643 514 الماتىلىققا ەكىنشى كومپونەنتپەن ەگىلگەنىن ايتتى. وتكەن تاۋلىكتە ءبىرىنشى كومپونەنتپەن 5 396 ادامعا، ەكىنشى كومپونەنتپەن 5 273 ادامعا ەكپە جاسالدى.
سپيكەر كۆي-مەن اۋىراتىن بالالار سانى ارتا تۇسكەنىن ايتتى. ءقازىر 195 بالا اۋرۋحانادا، 2 540-ى ءۇي جاعدايىندا ەمدەلۋدە.
«ءۇشىنشى تولقىن ءورشىپ تۇرعان كەزدە الماتى اۋرۋحانالارداعى بالالار سانى 30-40-تان اسپايتىن. شتاممنىڭ قازىرگى تۇرىمەن بالالار ءجيى اۋرۋدا. وتكەن اپتادا بالالاردىڭ اراسىندا جۇقتىرۋ ءتىپتى ءورشىپ كەتتى. ستاسيونارلاردا 245 ناۋقاس بالا بولدى. وكىنىشكە وراي، قايعىلى جاعداي دا ورىن الدى، 1 ايلىق نارەستە قايتىس بولدى. كوروناۆيرۋستىڭ جاڭا شتاممى وتە ءقاۋىپتى ءارى جۇقپالى، بالالار ونى تەز جۇقتىرادى»، - دەدى الماتى قدب باسشىسى.
ناريمان تابىنبايەۆ الماتىعا جەتكىزىلگەن Vero Cell ۆاكسيناسى تۋرالى دا ايتتى.
«بۇل پرەپاراتتى قىتايلىق Sinopharm كومپانياسى شىعارعان. بۇل كوپتەگەن ۆاكسينالار سياقتى يناكتيۆتى. كورسەتكىشتەر، قارسى كورسەتكىشتەر بىردەي. ۆاكسينانىڭ تيىمدىلىگى 72% دەڭگەيدە انىقتالادى. ول ەكى دوزالى، ەكىنشى كومپونەنت بىرىنشىسىنەن 21 كۇن وتكەن سوڭ سالىنادى. ەلەۋلى وزگەرىستەر تىركەلمەگەن. اۋىرسىنۋ، السىزدىك، ۇيقىشىلدىق بولۋى مۇمكىن. Vero Cell ۆاكسيناسىنىڭ كەرى اسەرى جوق جانە پايدالى. الماتىدا ۇلكەن سۇرانىسقا يە . وتكەن تاۋلىكتە وسى ۆاكسينامەن 270 ادام ەگىلدى، قالانىڭ سوسو بۇل پرەپاراتقا سۇرانىس جوعارى»، - دەدى ناريمان تابىنبايەۆ.