جاپونيا تۇرعىندارىنىڭ 55% وليمپياداعا قارسى بولىپ وتىر.
كوروناۆيرۋس پاندەمياسى كەسىرىنەن 2021 جىلعا قالدىرىلعان وليمپيادا ويىندارى 23 شىلدە مەن 8 تامىز ارالىعىندا وتەدى، دەپ حابارلايدى Almaty-akshamy.kz Interfax.ru سايتىنا سىلتەمە جاساپ.
"توكيو-2020" وليمپياداسىنىڭ پرەزيدەنتى سەيكو حاسيموتو: «ماسەلە ءبىزدىڭ ادامداردى قانشالىقتى باقىلاپ، يەگەرە الاتىنىمىزعا بايلانىستى. ەگەر ويىن ۋاقىتىندا ينفەكسيا تارالۋ ءقاۋپى جوعارى بولىپ، ونىڭ سالدارىنان توتەنشە جاعداي ورنايتىن بولسا، كورەرمەنسىز-اق وتكىزۋگە دايىن بولۋىمىز كەرەك»، - دەيدى.
وليمپيادانى ۇيىمداستىرۋ كوميتەتى وكىلدەرىنىڭ ونلاين كەزدەسۋىنىڭ 20 ناۋرىزداعى قورىتىندىسى بويىنشا، شەتەلدىك قوناقتار كىرگىزىلمەيدى دەپ حابارلانعان. ال ۇكىمەت تاراپىنان ينفەكسيادان قورعانۋ قاۋىپسىزدىگىن ساقتاي الماي قالۋ كۇمانى جەرگىلىكتى حالىقتىڭ دا ويىنداردى تاماشالاۋى تۋرالى پىكىرتالاس تۋدىرىپ وتىر.
قوعامدىق پىكىردى ءبىلۋ ءۇشىن جۇرگىزىلگەن سوڭعى ساۋالناما ناتيجەسى تۇرعىنداردىڭ 55%-نىڭ وليمپياداعا قارسى ەكەندىگىن كورسەتىپ وتىر.
- وليمپيادا كەزىندە دە، ودان سوڭ دا تولىق قاۋىپسىزدىكتى قامتاماسىز ەتۋ مۇمكىن ەمەس، - دەپ ەسەپتەيدى جاپوندىق ينفەكسيونيست، توحوكۋ ۋنيۆەرسيتەتىنىڭ پروفەسسورى حيروسي وشيتاني.
«ۇكىمەت پەن وليمپيادانى ۇيىمداستىرۋ كوميتەتى، سونداي-اق وليمپيادا كوميتەتى ءقاۋىپسىز وليمپيادا وتكىزەتىندىكتەرىن ايتىپ وتىر. ءبىراق ءبارى دە ءقاۋىپتىڭ بارىن بىلەدى. وليمپيادا ويىندارىنان كەيىن جاپونيادا جانە باسقا ەلدەردە دە ينفەكسيا تاراپ كەتۋ ءقاۋپىن جوققا شىعارا المايمىز» ، - دەدى لوندوندىق The Timesء-تىڭ ساراپشىسى.
كوروناۆيرۋس پاندەمياسى كەسىرىنەن 2021 جىلعا قالدىرىلعان وليمپيادا ويىندارى 23 شىلدە مەن 8 تامىز ارالىعىندا وتەدى.