جەل كۇشەيىپ، بۇرشاق جاۋۋى مۇمكىن.
قازاقستان سينوپتيكتەرى اۋا رايى بولجامىن ايتتى. بۇل بولجام بويىنشا، الداعى تاۋلىكتەردە كۇن سالقىندايدى، دەپ حابارلايدى Almaty-akshamy.kz.
«باياۋ قوزعالاتىن وڭتۇستىك سيكلونى قازاقستان اۋماعىندا ءالى دە تۇراقتايدى، وسىعان بايلانىستى الداعى ءۇش تاۋلىكتە ەلىمىزدىڭ باسىم بولىگىندە جاڭبىر جاۋادى، ورتالىقتا جانە وڭتۇستىك-شىعىستا نوسەر جاڭبىر جاۋىپ، جەل كۇشەيۋى، بۇرشاق جاۋۋى مۇمكىن، سونداي-اق وڭتۇستىكتە شاڭدى داۋىل تۇرادى»، – دەلىنگەن رمك «قازگيدرومەت» حابارلاماسىندا.
رەسپۋبليكانىڭ سولتۇستىك، ورتالىق جانە شىعىس بولىگىندەگى اۋا تەمپەراتۋراسىنىڭ تومەندەۋىنە كەزەكتى سۋىق سكانديناۆيالىق انتيسيكلون ىقپال ەتەدى. بۇل ايماقتاردا تەرمومەتر باعاندارى تۇندە +2-دەن +10 گرادۋسقا دەيىن، كۇندىز +15-تەن +20 گرادۋسقا دەيىن، وڭتۇستىك بولىگىندە +7-دەن +18 گرادۋسقا دەيىن، كۇندىز +22-دەن +35 گرادۋسقا دەيىن تومەندەيدى. باتىس بولىگىندە اۋا تەمپەراتۋراسى تۇندە +15-تەن +23 گرادۋسقا، كۇندىز +25-تەن +37 گرادۋسقا دەيىن وزگەرەدى.