توكيو وليمپياداسىنىڭ جابىلۋىنا ارنالعان سالتاناتتى شارا باستالدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
سالتاناتتى شارانى كوروناۆيرۋس پاندەمياسىنىڭ قاتاڭ شەكتەۋلەرىنە بايلانىستى جانكۇيەرلەر تاماشالاي العان جوق.
ەسكە سالا كەتەيىك، وليمپيادانىڭ اشىلۋ سالتاناتىنا ارنايى شاقىرتىلعان الەمنىڭ 15 مەملەكەتىنىڭ جانە حالىقارالىق ۇيىمدار باسشىلارىن قوسا ەسەپتەگەندە 950 قۇرمەتتى قوناق قاتىستى.
جابىلۋ سالتاناتىندا جاپونيانىڭ ءانۇرانى ورىندالىپ، مەملەكەتتىك تۋى جوعارى كوتەرىلەدى. سپورتشىلار شەرۋىن گرەكيا قۇراماسى باستاپ شىقسا، ونى جاپونيا قۇراماسى قورىتىندىلايدى دەپ كۇتىلۋدە.
وليمپيادا جالاۋى الداعى جازعى وليمپيادا ويىندارىنىڭ قوجايىنى فرانسياعا تابىس ەتىلەدى. ايتا كەتەيىك، 2024 جىلعى ءدۇبىرلى دودانى فرانسيا استاناسى پاريج قالاسى قابىلدايدى.
وليمپيادا الاۋى ءسوندىرىلىپ، ەكى اپتادان استام ۋاقىتقا سوزىلعان ايتۋلى شارا سالتاناتتى تۇردە جابىلادى.
قازاقستان سپورتشىلارى سەگىز قولا مەدال الدى. مەدالدار كەcتەسى جونىنەن قورىتىندى كوماندالىق ەسەپتە قازاقستان قۇراماسى 83-ورىنعا تۇراقتادى.