ءبىرجولعى زەينەتاقى تولەمدەرى بەلگىلەنگەن مەرزىمدە پايدالانىلماعان. 2021 جىلدىڭ 5 تامىزىنداعى جاعداي بويىنشا بجزق سالىمشىلاردىڭ (الۋشىلاردىڭ) زەينەتاقى جيناقتارىن تۇرعىن ءۇي جاعدايلارىن جاقسارتۋ ءۇشىن پايدالانۋعا بەرگەن 379 423 ءوتىنىشىن ورىندادى.
ۋاكىلەتتى وپەراتور بانكتەردە اشىلعان قازاقستاندىقتاردىڭ ارنايى شوتتارىنا بجزق 1،7 ترلن تەڭگەدەن اسا قارجى اۋداردى. ءبىرجولعى زەينەتاقى تولەمدەرىنىڭ ورتاشا سوماسى شامامەن 4،4 ملن تەڭگە، دەپ حابارلايدى Almaty-akshamy.kz Azattyq Rýhy-نا سىلتەمە جاساپ.
ورىندالعان وتىنىشتەردىڭ ەڭ كوبى الماتى قالاسىنىڭ (16،7%)، ماڭعىستاۋ وبلىسىنىڭ (14،9%)، نۇر-سۇلتان قالاسىنىڭ (12،9%) تۇرعىندارى تاراپىنان جولدانعان.
«ورىندالعان وتىنىشتەردىڭ ەداۋىر بولىگى «وتباسى بانكى» تۇرعىن ءۇي قۇرىلىس جيناق بانكى» اق (ورىندالعان وتىنىشتەردىڭ جالپى سانىنىڭ 95،3%)، ودان ءارى «قازاقستان حالىق بانكى» اق (3،8%)، «بانك سەنتركرەديت» اق (0،9%)، «Altyn Bank» اق (0،03%) جانە «بانك فريدوم فينانس قازاقستان» اق (0،01%) ارقىلى بەرىلدى»، - دەلىنگەن بجزق باسپا ءسوز حابارلاماسىندا.
ايتا كەتەيىك، ۋاكىلەتتى وپەراتورلاردان سالىمشىلاردىڭ جەكە زەينەتاقى شوتتارىنا ءوتىنىش بەرۋشىنىڭ ءوتىنىشى جانە وزگە دە سەبەپتەر بويىنشا 206،4 ملرد تەڭگەدەن اسا سوما قايتارىلدى، سەبەبى قازاقستاندىقتار ءبىرجولعى زەينەتاقى تولەمدەرىن بەلگىلەنگەن مەرزىمدە پايدالانباعان.
«بۇعان قوسا، بجزق ەمدەلۋگە جالپى سوماسى 26،1 ملرد تەڭگەگە كەلىپ تۇسكەن 27 902 ءوتىنىشتى ورىندادى. بۇل رەتتە الۋعا بولاتىن ورتاشا سوما – 0،9 ملن تەڭگە. سونىمەن قاتار، سالىمشىلاردىڭ بجزق-داعى جزش-نا 4.2 ملرد تەڭگە قايتارىلدى»، - دەلىنگەن حابارلامادا.
ينۆەستيسيالىق پورتفەلدى باسقارۋشىلارعا شامامەن 4،8 ملرد تەڭگە اۋدارىلدى، بجزق كەلىپ تۇسكەن 2 395 ءوتىنىش ورىندالدى. اۋدارىمنىڭ ورتاشا سوماسى شامامەن 2،0 ملن تەڭگە بولدى.
قازىرگى ۋاقىتتا بجزق زەينەتاقى اكتيۆتەرىن سەنىمگەرلىكپەن باسقارۋ تۋرالى ءتورت يپب-مەن شارت جاساستى. ايتا كەتەيىك، 4،8 ملرد تەڭگەنىڭ 43،89% نەمەسە 2،1 ملرد تەڭگەسى «Jusan Invest» اق، 27،76% نەمەسە 1،3 ملرد تەڭگەسى «Halyk Global Markets» اق، 18،65% نەمەسە 0،9 ملرد تەڭگەسى «BCC Invest» اق، 9،70% نەمەسە 0،5 ملرد تەڭگەسى «سەنتراس سەكيۋريتيز» اق اۋدارىلدى.