ءبىر توپ دەپۋتات توعىزقۇمالاق ويىنىنىڭ اتاۋىن وزگەرتۋدى ۇسىنىپ، ۇكىمەتكە ساۋال جولداعان ەدى.
ۇلتتىق ويىننىڭ اتاۋى وزگەرمەيتىن بولدى، دەپ حابارلايدى اlmaty-akshamy.kz
ۆيسە-پرەمەر تامارا دۇيسەنوۆا بۇل ۇسىنىستى ورىنسىز دەپ سانايتىنىن ايتقان.
تامارا دۇيسەنوۆا حالىقتىڭ جادىندا، سونداي-اق ا. كراسنوۆ، ن. پانتۋسوۆ، ب. كۋفتين، ر. كارۋتس، م. بالاقايەۆ، ءا. اقشورايەۆ، س. امانجولوۆ، س. تىلەۋبايەۆ پەن باسقا دا كوپتەگەن عالىمداردىڭ ەڭبەكتەرىندە جانە م. اۋەزوۆتىڭ شىعارمالارىندا ويىن «توعىزقۇمالاق» دەپ اتالاتىنىن ەسكە سالدى. وعان قوسا، قازاق حالقىنا تيەسىلى مىڭجىلدىق تاريحى بار توعىزقۇمالاق اتاۋىن وزگەرتۋ فەدەراسيانىڭ دا، باسقا ۇيىمداردىڭ دا قۇزىرەتىنە كىرمەيدى.
«ۇلتتىڭ مادەني مۇراسى سانالاتىن مىڭجىلدىق تاريحى بار توعىزقۇمالاق ويىنىنىڭ اتاۋىن ءوز قالپىندا قالدىرعاندى ءجون دەپ سانايمىز»، - دەلىنگەن جاۋاپتا.