سوڭعى كەزدەرى سەكسۋالدىق سيپاتتاعى قىلمىستار سانىنىڭ ارتۋىنا بايلانىستى ادىلەت مينيسترلىگى زەرتتەۋدىڭ جاڭا ءتۇرى – سوت-سەكسولوگيالىق ساراپتامانى ەنگىزۋ بويىنشا جۇمىستاردى باستادى، دەپ حابارلايدى اlmaty-akshamy.kz.
ساراپتاما تەكسەرىلۋشىنىڭ پسيحوسەكسۋالدىق دامۋدا قانداي دا ءبىر اۋىتقۋلاردىڭ بار نەمەسە جوقتىعىن، اۋىتقۋلار بايقالسا، ولار نەنى بىلدىرەتىنىن جانە پەدوفيلدەردى انىقتاپ، تەكسەرىلۋشىگە حيميالىق كاستراسيا قاجەت پە، جوق پا دەگەن سۇراققا جاۋاپ بەرەدى، – دەدى ادىلەت مينيسترلىگىنىڭ رەسمي وكىلى تالعات ءۋالي باسپا ءسوز ءماسليحاتىندا.
رەسمي وكىلدىڭ ايتۋىنشا، وسى جوبانى ىسكە اسىرۋ ماقساتىندا استانا قالاسىنىڭ سوت ساراپتامالارى عىلىمي-پراكتيكالىق ورتالىعىنىڭ 3 سوت ساراپشىسى بەلارۋس رەسپۋبليكاسىندا وقۋدان ءوتتى. قازىرگى ۋاقىتتا سوت-سەكسولوگيالىق ساراپتاما ءتۇرى بويىنشا ادىستەمە ازىرلەنىپ جاتىر.