بۇگىندە «ساياحات» اۆتوۆوكزالى مەن «قۇلاگەر» شاعىن اۋدانىنداعى ەمحانالار جاڭعىرتىلىپ، پايدالانۋعا بەرىلگەلى جاتىر. جۇمىسشىلار كەنتىندە №33 ەمحانا ساقاداي-ساي دايىن، ول استانا كۇنىنە وراي اشىلادى، دەپ حابارلايدى اlmaty-akshamy.kz. 
جەتىسۋ اۋدانى اكىمدىگىنىڭ حابارلاۋىنشا، بىرنەشە جىل بۇرىن اۋداندا ءۇش ەمحانا عانا بولعان. مەديسينالىق قىزمەتكە قولجەتىمدىلىك قيىنداعاسىن جەرگىلىكتى تۇرعىندار كورشىلەس تۇركسىب، المالى جانە مەدەۋ اۋداندارىنا قارالۋعا ءماجبۇر ەدى. جەتىسۋ اۋدانىندا ەمحانا سالۋعا جەر تەلىمىنىڭ جوقتىعى جاعدايدى قيىنداتتى. ماسەلەنى شەشۋ ءۇشىن مەديسينالىق مەكەمەگە جارامدى عيمارات ىزدەۋ باستالدى. اۋدان اكىمى گۇلنار كوكەبايەۆا ماسەلەنىڭ زاڭدى جاعىن قولعا الىپ، بىرتە-بىرتە ەمحاناعا جارامدى ءۇش عيمارات ساتىپ الىندى. 
سونىمەن قاتار، كەمەل شاعىن اۋدانىندا اۋىسىمدا 200 ادام قابىلدايتىن وتباسىلىق-دارىگەرلىك امبۋلاتوريا سالىندى، ول ءقازىر اتالعان شاعىن اۋدان تۇرعىندارىنا قىزمەت كورسەتەدى. سونداي-اق، №11 ەمحانادا كۇردەلى جوندەۋ جۇرگىزىلدى جانە كت مەن مرت قىزمەتى بار ءوزىنىڭ دياگنوستيكالىق ورتالىعىن اشتى.
وسىلايشا، جەتىسۋ اۋدانىنىڭ حالقى مەديسينالىق قىزمەتتىڭ قولجەتىمدىلىگىمەن تولىق قامتاماسىز ەتىلەدى. 
الماتى اكىمى ەربولات دوسايەۆتىڭ تاپسىرماسىمەن قالادا پاسيەنتتەر مەن دارىگەرلەر ءۇشىن زاماناۋي، جايلى جاعداي جاساۋعا ەرەكشە كوڭىل بولىنەدى.
ايتا كەتەيىك، جەتىسۋ اۋدانىنىڭ اكىمى لاۋازىمىنا گۇلنار كوكەبايەۆا 2020 جىلدىڭ قازان ايىندا تاعايىندالعان بولاتىن.