الماتى وبلىسىنىڭ بالقاش اۋدانىندا 9 قىز تاربيەلەپ وتىرعان پوليسيا قىزمەتكەرى تۇرادى.
24.kz nەلەارناسىنىڭ مالىمەتىنشە، جەرگىلىكتى پوليسيا قىزمەتى بولىمشەسىنىڭ باستىعى قىزمەتىن اتقاراتىن مايور شەنىندەگى جىگىت اعاسىنىڭ ۇلكەن قىزى 9-سىنىپتا وقىسا، ەڭ كىشىسى – 4 ايلىق. زايىبى ەكەۋى ونىنشى پەرزەنتىن كۇتىپ ءجۇر، دەپ حابارلايدى اlmaty-akshamy.kz
2008 جىلدان بەرى قۇقىق قورعاۋ ورگاندارىندا جۇمىس ىستەيتىن ازامات ابرداحمانوۆ پەن زايىبى جازيرا ماڭعىتاي قىزى ەكەۋىنىڭ وتاۋ قۇرعانىنا بيىل 17 جىل بولدى. اقنۇر، گۇلنۇر، كاۋسار، جاسمين، ايارۋ، توميريس، ادينا، مەدينا، دايانا ەسىمدى قىزدارى قىر گۇلىندەي جايقالىپ ءوسىپ كەلەدى. ازامات 8 ناۋرىزدا ەشقايسىسىن ءبولىپ-جارماي، بارىنە سىيلىق ازىرلەيدى ەكەن.
«10 سىيلىق الۋ وڭاي ما؟! 10 سىيلىق الىپ بەرەدى بارىمىزگە، ەشكىمدى بولمەيدى. قىزدارىنىڭ ءبارىن بىردەي جاقسى كورەدى. بارىنە بىردەي مەيىرىمدىلىكپەن قارايدى»، - دەيدى ازاماتتىڭ جارى جازيرا مالعاجداروۆا.
ارينە، باقىتتىمىن. 9 قىزدىڭ اكەسى بولۋ – باقىت. ەندى العا قويعان ماقساتىمىز بار، ۇل بولسا ەكەن دەيمىن، ۇرپاق كەرەك. قىز دەگەن نەگىزى، كوبى ايتۋشى ەدى، كوزىمىز جەتىپ وتىر، جاقسى ەكەن. 8 ناۋرىز – حالىقارالىق ايەلدەر كۇنىمەن قازاقستان حالقى ايەلدەرىنىڭ ءبارىن قۇتتىقتايمىز! - دەدى بالقاش اۋداندىق جەرگىلىكتى پوليسيا قىزمەتى بولىمشەسىنىڭ باستىعى ازامات ابدراحمانوۆ.
ازامات اسقار ۇلى الماتىدا 10 جىلداي تاجىريبە جيناپ، 2014 جىلى ءوزىنىڭ تۋىپ-وسكەن اۋىلى باقاناسقا اۋىسقان. اۋدان حالقى ونى جاقسى تانيدى. مايور شەنىندەگى پوليسيا قىزمەتكەرىن ارىپتەستەرى دە ماقتان تۇتادى.
جەكە قاسيەتى بويىنشا ايتاتىن بولساق، جۇمىسىنا تياناقتى. ۇيىنە ۇلگىلى اكە. 9 قىزدىڭ اكەسى بولا تۇرا، جۇمىس ومىرىنە بەلسەندى قاتىسىپ، قىلمىستى جەكە ىزىمەن انىقتاۋ بارىسىنا ءاردايىم اتسالىسىپ وتىرادى، - دەيدى بالقاش اۋداندىق پوليسيا ءبولىمىنىڭ باستىعى ايدار وماروۆ.
ازامات پەن جازيرا بۇگىندە ونىنشى پەرزەنتى ۇل بولادى دەگەن ۇمىتتە.
«وسى كۇنگى جاستار دارىگەرگە كورىنىپ، بالالارىنىڭ جىنىسىن الدىن الا ءبىلىپ الۋعا قۇمار. اللانىڭ بەرگەنىنە كۇپىرلىك قىلۋ – بىزگە جات قىلىق. تۇسىنە بىلگەن جانعا قىز – كەڭ ءورىس»، – دەيدى ولار.