ق ر پرەمەر-مينيسترىنىڭ ورىنباسارى ەرالى توعجانوۆ 31 مامىرعا قاراي ساياسي قۋعىن-سۇرگىن ءقۇرباندارىن تولىق اقتاۋ جونىندەگى كوميسسيانىڭ جۇمىسىنا قورىتىندى بەرىلەتىنىن ايتتى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
ەرالى توعجانوۆتىڭ ايتۋىنشا، ساياسي قۋعىن-سۇرگىن قۇرباندارىن تولىق اقتاۋ جونىندەگى رەسپۋبليكالىق كوميسسياسىنىڭ بىرنەشە وتىرىسى وتكىزىلدى.
ءقازىردىڭ وزىندە بەلگىلى ءبىر قورىتىندىسى جاسالىپ، وقۋلىقتار باسىپ شىعارىلدى. جۋىقتا مەملەكەت حاتشىسىنىڭ توراعالىعىمەن دە وتىرىس وتكەنىن بىلەسىزدەر. 31 مامىرعا قاراي مىندەتتى تۇردە جۇمىستاردىڭ قورىتىندىسى شىعارىلادى، - دەدى ول ۇكىمەت كۋلۋارىندا.
سونىمەن قاتار ۇكىمەت باسشىسىنىڭ ورىنباسارى 9 مامىر مەرەكەسىنىڭ اتاۋى مەن مازمۇنىن وزگەرتۋ تۋرالى ۇسىنىستارعا قاتىستى پىكىر ءبىلدىردى.
9 مايدى جەڭىس كۇنى ەمەس، ازا تۇتۋ كۇنى ەتىپ اتاپ ءوتۋ تۋرالى ماسەلە بۇرىننان كوتەرىلىپ كەلە جاتىر. بۇل ماسەلە بويىنشا اركىمنىڭ ءوز ويى بار. شىن مانىندە بۇل جەڭىس كۇنى، ءارى ەسكە الۋ كۇنى. مەنىڭ ويىمشا، ولاردى بىر-بىرىنەن ءبولىپ قاراۋدىڭ قاجەتى جوق . ونداي ماسەلە كۇن تارتىبىندە تۇرعان جوق دەسە دە بولاتىن شىعار. جەڭىس كۇنىن جەرىمىزدى قورعاپ قالعان اتالارىمىز بەن اكەلەرىمىزدى ەسكە الىپ جاتساق، مۇنىڭ ەش زيانى جوق دەپ ويلايمىن. مەنىڭ جەكە ۇستانىمىم وسىنداي، - دەدى ەرالى توعجانوۆ.