الماتىدا رەفەرەندۋمنىڭ ماڭىزىن ءتۇسىندىرۋ جۇمىستارى باستالدى

ساياسي ۇيىم مۇشەلەرى «بارلىق» بازارىنىڭ قىزمەتكەرلەرىمەن كەزدەستى

الماتىدا 5 ماۋسىمدا وتەتىن جالپىحالىقتىق رەفەرەندۋمنىڭ ماڭىزىن ءتۇسىندىرۋ جۇمىستارى باستالدى، دەپ حابارلايدى Almaty-akshamy.kz Almaty.tv-گە سىلتەمە جاساپ.

ناۋرىزباي اۋدانىندا قۇرىلعان اmanat پارتياسى جانىنداعى قوعامدىق شتاب مۇشەلەرى № 157 مەكتەپ مۇعالىمدەرىمەن كەزدەسىپ، اتا زاڭعا ەنگىزىلەتىن وزگەرىستەر تۋرالى تولىققاندى اقپارات بەردى. سونداي-اق، ساياسي ۇيىم مۇشەلەرى «بارلىق» بازارىنىڭ قىزمەتكەرلەرىمەن كەزدەسىپ، حالىقتى سايلاۋعا بەلسەندى قاتىسىپ، مەملەكەتتىڭ بولاشاعىن ايقىنداۋعا ءبىر كىسىدەي اتسالىسۋعا شاقىردى.

«وزدەرىڭىزگە بەلگىلى 1995 جىلى ق ر كونستيتۋسياسى قابىلدانعان بولاتىن. بۇگىنگى تاڭدا كونستيتۋسيامىزعا جاڭارتۋلار مەن تولىقتىرۋلار ەنگىزىلىپ جاتىر. پرەزيدەنتىمىز قاسىم-جومارت كەمەل ۇلى توقايەۆتىڭ باسشىلىعىمەن بولىپ جاتقان ءىس. قازاق ەلى قولداۋ كورسەتىپ وتىرمىز»، – دەدى №157 جبب مەكتەپ ءمۇعالىمى باقىت وسكەنبايەۆ.

«مەنىڭ ومىرىمدەگى ەڭ ءبىرىنشى رەفەرەندۋم. ياعني رەفەرەندۋمنىڭ تاريحىنا كەلەتىن بولساق، 27 جىل بۇرىن بولعان ەكەن. بۇل – مەن ءۇشىن ۇلكەن ماڭىزدى شارا. سول سەبەپتى مەن قازاقستاننىڭ ءاربىر ءتورتىنشى جاس ازاماتى قاتىسىپ، ءوز داۋسىن بەرۋ ارقىلى جاڭا قازاقستاندى،  جاڭا اتا زاڭىمىزبەن باستاۋعا شاقىرامىن. ءاربىر قازاقستاندىق ازاماتتىڭ داۋسى ماڭىزدى دەپ سانايمىن»، – دەدى Amanat پارتياسى جانىنداعى ءبىلىم بەرۋ جانە دەنساۋلىق ساقتاۋ جونىندەگى قوعامدىق كەڭەس مۇشەسى جانىبەك سولتاناي.