تاۋەلسىز مەملەكەتتەر دوستاستىعىنا قاتىسۋشى مەملەكەتتەر قارۋلى كۇشتەرىنىڭ بىرلەسكەن گۋمانيتارلىق ميناسىزداندىرۋ ينجەنەرلىك بولىمشەسى تۋرالى كەلىسىم 2020 جىلعى 18 جەلتوقساندا جاسالدى.
پارلامەنت ءماجىلىسىنىڭ جالپى وتىرىسىندا «تاۋەلسىز مەملەكەتتەر دوستاستىعىنا قاتىسۋشى مەملەكەتتەر قارۋلى كۇشتەرىنىڭ بىرلەسكەن گۋمانيتارلىق ميناسىزداندىرۋ ينجەنەرلىك بولىمشەسى تۋرالى كەلىسىمدى راتيفيكاسيالاۋ تۋرالى» زاڭ جوباسى ماقۇلداندى، دەپ حابارلايدى Almaty-akshamy.kz
«كەلىسىمنىڭ ماقساتى – گۋمانيتارلىق مينيسىزداندىرۋ تاپسىرمالارىن ورىنداۋ ءۇشىن بىرلەسكەن بولىمشەنى قۇرۋ، قولدانۋ، ونىڭ قىزمەتىن اياقتاۋ ءتارتىبىن جانە مارتەبەسىن ايقىنداۋ. بىرلەسكەن بولىمشەنىڭ نەگىزگى مىندەتتەرى – مينا الاڭدارىنا جانە جارىلۋ ءقاۋپى بار زاتتاردىڭ بولۋىنا تەحنيكالىق بارلاۋ جاساۋ، سونداي-اق ولاردى ميناسىزداندىرۋ»، - دەدى ق ر قورعانىس ءمينيسترىنىڭ ورىنباسارى تيمۋر داندىبايەۆ.