حالىقارالىق تەڭىز ۇيىمى قازاقستاندى «اق تىزىمگە» ەنگىزدى

بۇل تىزىمگە كىرۋ وتاندىق تەڭىزشىلەردىڭ كاسىبي ديپلومدارىن حالىقارالىق قوعامداستىقتىڭ تانۋىن قامتاماسىز ەتەدى.

حالىقارالىق تەڭىز ۇيىمىنىڭ (حتۇ) تاۋەلسىز ساراپشىلار كوميسسياسى ق ر يندۋستريا جانە ينفراقۇرىلىمدىق دامۋ مينيسترلىگىنىڭ قازاقستاندىق تەڭىزشىلەردى دايارلاۋ جۇيەسىنىڭ تەڭىزشىلەردى دايارلاۋ جانە ديپلومداۋ جونىندەگى حالىقارالىق كونۆەنسيانىڭ (ددۆا كونۆەنسياسى) تالاپتارىنا سايكەستىگىن تانۋعا جانە قازاقستاندى «اق تىزىمگە» ەنگىزۋگە ارنالعان جاڭاشا ءوتىنىمىن قاناعاتتاندىردى، دەپ حابارلايدى Almaty-akshamy.kz اتالعان مينيسترلىككە سىلتەمە جاساپ.  

وسى تىزىمگە ەنگەندىكتەن، ءبىزدىڭ تەڭىزشىلەر ددۆا كونۆەنسياسىنا قول قويعان بارلىق مەملەكەتتەردە جۇمىس ىستەي الادى. قر-نىڭ ۇلىبريتانياداعى ەلشىلىگىن حمۇ ساراپشىلارى ەلىمىزدە تەڭىز ءبىلىمى، كەمە ەكيپاجى مۇشەلەرىن ديپلومداۋ جانە مەديسينالىق تەكسەرۋ، تەڭىز وقۋ-ترەناجەر ورتالىقتارىن كۋالاندىرۋعا جەتكىلىكتى ۇلتتىق نورماتيۆتىك-قۇقىقتىق بازا قالىپتاسقان دەگەن قورىتىندىعا كەلگەنىن حابارلادى.

وسىعان بايلانىستى، 2021 جىلدىڭ 4-8 قازان ارالىعىندا وتەتىن تەڭىز قاۋىپسىزدىگى جونىندەگى كوميتەتتىڭ 104ء-شى وتىرىسىندا حتۇ باس حاتشىسى كوميتەت مۇشەلەرىن قازاقستاننىڭ تەڭىزشىلەردى دايارلاۋ جۇيەسىنىڭ كونۆەنسيا تالاپتارىنا سايكەستىگى تۋرالى تاۋەلسىز ساراپشىلاردىڭ شەشىمى تۋرالى حاباردار ەتەدى. بۇل ەلىمىزدىڭ حتۇ-نىڭ «اق تىزىمىنە» ەنگىزىلگەنىن رەسمي تۇردە راستايدى.