«Astana Media Week – 2021» شاراسىنا الەمنىڭ ب ا ق وكىلدەرى قاتىسادى

AMW-2021 بارىسىندا اقپاراتتىق كۇن ءتارتىبىنىڭ وزەكتى ماسەلەلەرى كوتەرىلمەك

ايتۋلى شارا 27-28 قىركۇيەك كۇندەرى وتەدى. وعان بەدەلدى الەمدىك باق-تىڭ توپ-مەنەدجەرلەرى، مەملەكەتتىك اپپارات وكىلدەرى، تانىمال جۋرناليستتەر، قۇجاتشىلار جانە اقش، ۇلىبريتانيا، رەسەي، قازاقستان، وزبەكستان، قىرعىزستان بلوگەرلەرى قاتىسادى، دەپ حابارلايدى Almaty-akshamy.kz.

24.kz سايتىنىڭ حابارلاۋىنشا، Astana Media Week-2021 ەكى كۇنگە سوزىلادى. AMW-2021 وقيعالارى ونلاين جانە وفلاين-الاڭداردا دا جوسپارلانعان.

سونىمەن، ونلاين رەجيمىندە «دەرەكتى كينو: تاجىربيەسى مەن بولاشاعى» دوڭگەلەك ۇستەلى جانە «مەديانى دامىتۋ ستراتەگياسى» كونفەرەنسياسى وتەدى. وسى وقيعالارداعى تالقىلاۋلارعا 5 ەلدىڭ سپيكەرلەرى قوسىلادى. «وتكىر الەۋمەتتىك تاقىرىپتاردى قامتۋ ەرەكشەلىكتەرى» جانە «قازاق ءتىلدى باسپالاردىڭ بولاشاعى» اتتى دوڭگەلەك ۇستەلدەرى ساراپشىلاردىڭ، مەديامەنەدجەرلەردىڭ، جۋرناليستتەر مەن قوعامدىق پىكىر كوشباسشىلارىنىڭ باسىن قوسادى.

كۇندەردىڭ بىرىندە Astana Media Week ۇيىمداستىرۋشىلارى Formats Day جابىق ءىس-شاراسىن وتكىزەدى. وندا تۇساۋكەسەرلەردى الەمدەگى ەڭ ءىرى تەلەونىم ديستريبيۋتور-كومپانيالارىنىڭ وكىلدەرى وتكىزەدى. Formats Day قاتىسۋشىلارى جەتەكشى بەينە كونتەنت جاساۋشىلارىنىڭ سەرىكتەستەرى بولۋ مۇمكىندىگىنە يە بولادى. بۇل ءىس-شارانىڭ باعدارلاماسىندا تەلە-، راديوباعدارلامالاردى جاساۋدا جەتەكشى مامانداردىڭ، جاڭالىقتار رەداكسيالارىنىڭ، باسپا ءسوز قىزمەتتەرىنىڭ باسشىلارىنىڭ، بلوگەرلەردىڭ شەبەر كلاستار سەرياسى دا جاريالاناتىن بولادى. وقىتۋ كونتەنتىنە قاتىستى حەدلاينەر رەتىندە بيزنەس-جاتتىقتىرۋشى، تمد سپيكەرلەرى قاۋىمداستىعىنىڭ پرەزيدەنتى راديسلاۆ گانداپاس ءسوز سويلەيدى.

«Astana Media Week-2021» تولىق باعدارلاماسىن astanamediaweek.kz. رەسمي رەسۋرسىنان تابۋعا بولادى. وقيعا جاڭالىقتارى الەۋمەتتىك جەلىلەر پاراقشالارىندا جاريالانادى.