فەستيۆالگە 400-دەن استام ادام قاتىسپاق
بيىلعى 15-20 قاراشا كۇندەرى ۋفا قالاسىندا (رەسەي) تمد-عا مۇشە ەلدەر اراسىندا ءىح حالىقارالىق مەكتەپ سپورتى فەستيۆالى وتەدى، دەپ حابارلايدى Almaty-akshamy.kz
تمد پارلامەنتارالىق اسسامبلەياسى كەڭەسى حاتشىلىعىنىڭ باسپا ءسوز قىزمەتىنە سىلتەمە جاساپ. فەستيۆالگە قازاقستان، ازەربايجان، ارمەنيا، بەلارۋس، قىرعىزستان، مولدوۆا، رەسەي، تاجىكستان، تۇرىكمەنستان جانە وزبەكستان ەلدەرىنەن قۇراما كوماندالار توبىندا 400-دەن استام ادام قاتىساتىنى كۇتىلۋدە. ءىس-شارا شەڭبەرىندە ءداستۇرلى تۇردە شاعىن فۋتبولدان، ۆولەيبولدان، 3ح3 باسكەتبولدان، ۇستەل تەننيسىنەن، بادمينتوننان، شاحماتتان جارىستار وتەدى. قاتىسۋشىلار ءۇشىن سونداي-اق اۋقىمدى مادەني ءبىلىم بەرۋ باعدارلاماسى ازىرلەنگەن: ەكسكۋرسيالار، باشقۇرتستان حالقىنىڭ مادەنيەتىمەن جانە داستۇرىمەن تانىسۋ، تانىمال سپورتشىلاردان شەبەرلىك ساباقتار، كينو كورۋ جانە بي كەشتەرى. تمد-عا مۇشە ەلدەر اراسىندا حالىقارالىق مەكتەپ سپورتى فەستيۆالىن وتكىزىپ تۇرۋ باستاماسىن 2012 جىلى بۇكىلرەسەيلىك مەكتەپ سپورتى فەدەراسياسى كوتەرگەن. 2013 جىلدان بەرى ءىس-شارا ءرف-نىڭ ءتۇرلى وڭىرلەرىندە ۇيىمداستىرىلىپ كەلەدى.