قارىمتا ويىن 28 شىلدەگە بەلگىلەنگەن
قازاقستاندىق «استانا» UEFA كونفەرەنسيا ليگاسىنىڭ ەكىنشى ىرىكتەۋ ساتىسىنداعى العاشقى ويىنىن سىرت الاڭدا پولشانىڭ «راكۋۆ» كومانداسىنا قارسى وتكىزدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
كەزدەسۋدى الاڭ يەلەرى بەلسەندى باستادى. ناتيجەسىندە ولاردىڭ قاتارىنان يۆان لوپەس 4-مينۋتتا ەسەپ اشىپ كەتتى. بۇدان كەيىن قازاقستاندىق كوماندا تارازى باسىن تەڭەستىرۋگە ۇمتىلدى. دەگەنمەن ويلاعان ماقساتىنا جەتە الماي جاتتى. ءبىرىنشى كەزەڭنىڭ 21-مينۋتىندا «راكۋۆ» ويىنشىسى دەيان سورەسكۋ قىزىل قاعاز الىپ، الاڭنان قۋىلدى. وسىدان سوڭ «استانا» باسىمدىقتى ارتتىرعان سەكىلدى ەدى. پولشالىق كلۋب نەگىزىنەن قورعانىسقا كوڭىل ءبولدى. ويىننىڭ 41-مينۋتىندا «راكۋۆ» ساپىنان ماتەۋش ۆدوۆياك ەلوردالىق كوماندا قاقپاشىسىن قاپى قالدىرىپ، ەسەپتى ۇستەمەلەي ءتۇستى. ال پولشالىق كوماندادا ۆلاديسلاۆ گۋتكوۆسكيي – 65، ۆلاديسلاۆ كوچەرگين 76-مينۋتتاردا گول سوقتى. سونداي-اق 95-مينۋتتا ەلوردالىق كوماندا قاقپاسىنا بەلگىلەنگەن پەنالتيدەن فران تۋدور ءمۇلت كەتكەن جوق. وسىلايشا «استانا» قارسىلاسىنا 0:5 ەسەبىمەن جەڭىلىپ قالدى. قارىمتا ويىن 28 شىلدەگە بەلگىلەنگەن. ەسكە سالساق، 21 شىلدەدە اتالعان تۋرنيردە پەتروپاۆلدىڭ «قىزىلجارى» حورۆاتيالىق «وسيەك» كومانداسىنان 1:2 ەسەبىمەن جەڭىلىپ قالدى. سونداي-اق «توبىل» جەڭىپ، «قايرات» قارسىلاسىنا ەسە جىبەردى.