گيۋمري 2024 جىلى تمد ەلدەرىنىڭ سپورت استاناسى بولىپ تانىلدى.
مۇندا تمد ەلدەرىنىڭ دەنە شىنىقتىرۋ جانە جانە سپورت كەڭەسى كونفەرەنسياسى وتەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
مۇنداي شەشىم مينسكىدە وتكەن تمد ەلدەرىنىڭ دەنە شىنىقتىرۋ جانە جانە سپورت كەڭەسىنىڭ كەزەكتى وتىرىسىندا قابىلداندى. بۇدان بولەك، ارمەنيا رەسپۋبليكاسىنىڭ ۋاكىلەتتى وكىلى، ارمەنيا رەسپۋبليكاسى ءمينيسترىنىڭ ورىنباسارى كارەن گيللان تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ دەنە شىنىقتىرۋ جانە سپورت جونىندەگى كەڭەسىنىڭ ءتوراعاسى بولىپ سايلاندى.
«تمد ەلدەرىنىڭ ىنتىماقتاستىعى اياسىندا سپورتقا ۇلكەن ءمان بەرىلەدى. بىرتە-بىرتە قارىم-قاتىناس الدەقايدا جاقىن بولا تۇسۋدە جانە ءىس-شارالار تانىمالدىعى ارتىپ كەلەدى. سپورت استاناسىن تاڭداۋ ماسەلەسى دە ماڭىزدى. 2024 جىلى گيۋمري سپورت استاناسى بولادى»، - دەدى ارمەنيا رەسپۋبليكاسى ءبىلىم، عىلىم، مادەنيەت جانە سپورت (بعمس) ءمينيسترىنىڭ ورىنباسارى كارەن گيلويان ارمەنپرەسس-كە بەرگەن سۇحباتىندا.
ونىڭ ايتۋىنشا، گيۋمريدە دە كونفەرەنسيالار وتەدى.
«سپورت استاناسىن تاڭداۋدىڭ بىرنەشە نۇسقاسى بولدى، ءبىراق ءبىز گيۋمريدى ۇسىندىق، گيۋمريلىق سپورتشىلاردىڭ قانداي جەتىستىكتەرگە جەتكەنىن ۇسىندىق. سەبەبى، ءقازىر گيۋمريدە ۇكىمەتتىڭ قولداۋىمەن ارتۋر الەكسانيان اتىنداعى ءىرى سپورت كەشەنى سالىنىپ جاتقاندىقتان، ءبىز ولاردىڭ ارمەنيا ۇكىمەتىنىڭ سپورتقا ۇلكەن كوڭىل بولەتىنىن ءوز كوزدەرىمەن كورگەنىن قالادىق»، - دەدى ول.
ار بعمس ءمينيسترىنىڭ ورىنباسارى كارەن گيلويان 2023 جىلعى 1 قىركۇيەكتەن باستاپ تمد ەلدەرىنىڭ دەنە شىنىقتىرۋ جانە سپورت جونىندەگى كەڭەسىن باسقارادى.