كەلىسىم شارت اياسىندا قالانى دامىتۋدىڭ نەگىزگى ينستيتۋتى جاھاندىق دەڭگەيدە ارىپتەستىك ءۇشىن مۇمكىندىكتەردى كەڭەيتەدى جانە قۇجاتتىڭ ون نەگىزگى قاعيداتىن جۇرگىزەتىن بولادى
الماتى بۇۇ-نىڭ تۇراقتى دامۋ ماقساتتارىنا (بۇۇ تدم) قولجەتكىزۋگە باعىتتالعان حالىقارالىق قوعامداستىقتاعى ءوز ۇستانىمىن نىعايتادى. بۇل پروسەستىڭ ءبىر بولىگى بۇگىندە 160-تان استام مەملەكەتتەن 9500 كومپانيا مەن 3000 كوممەرسيالىق ەمەس ۇيىم قاتىساتىن بۇۇ-نىڭ جاھاندىق كەلىسىم-شارتىنا قاتىسۋى بولىپ تابىلادى. 2023 جىلعى 20 شىلدەدە «الماتى قالاسىن دامىتۋ ورتالىعى» اق (ادو ولاردىڭ قاتارىنا قوسىلدى
بۇۇ-نىڭ جاھاندىق كەلىسىم شارتىنىڭ قۇرامىنا ەندى.
"بۇگىندە بۇۇ تدم-عا قولجەتكىزۋ جونىندەگى ءوز كۇش-جىگەرىن تەك مەملەكەتتەر عانا ەمەس، سونىمەن قاتار كوممەرسيالىق جانە كوممەرسيالىق ەمەس ۇيىمدار مەن كومپانيالار دا بىرىكتىرە الادى. ول ءۇشىن بۇۇ-نىڭ جاھاندىق كەلىسىم - شارتى بار. بۇل تۇراقتى دامۋ يدەيالارىن ۇستاناتىن جانە ءىس جۇزىندە ءتيىستى شەشىمدەر قابىلداۋعا جانە ىسكە اسىرۋعا دايىن كومپانيالاردىڭ قىزمەتى ءۇشىن ساياسي پلاتفورما جانە پراكتيكالىق نەگىز بولىپ تابىلادى. «الماتى قالاسىن دامىتۋ ورتالىعىنىڭ" جاھاندىق كەلىسىم شارتقا قوسىلۋى قازاقستاندا بۇۇ تدم – عا قو جەتكىزۋ تەك ساياسي دەكلاراسيا ءارى ۇلتتىق دەڭگەيدە عانا ەمەس، وڭىرلىك دەڭگەيدە دە ءجۇرىپ جاتقان پراكتيكالىق جۇمىس ەكەنىن بىلدىرەدى»، دەيدى وقيعانىڭ وڭ ءمانىن اتاپ وتكەن بۇۇ-نىڭ تۇراقتى دامۋ ماقساتتارى جونىندەگى ساراپشىسى سەرگەي سوي.
ساراپشى جاھاندىق كەلىسىم شارت بۇۇ-نىڭ ورنىقتى دامۋ قاعيداتتارىنا سايكەس بيزنەس-پروسەستەر مەن كورپوراتيۆتىك مادەنيەتتى بىرىكتىرۋگە جانە جۇيەلەۋگە باعىتتالعانىن ايتتى. كەلىسىم شارت پلاتفورما رەتىندە جاھاندىق ماسەلەلەردىڭ بىرلەسكەن شەشىمدەرىن ازىرلەۋگە جانە اۋقىمىن انىقتاۋعا مۇمكىندىك بەرەدى.
بىرىككەن ۇلتتار ۇيىمىنىڭ قازىرگى باس حاتشىسى انتونيو گۋتەرريش كەزىندە: «جەكە سەكتور حالىقارالىق ىنتىماقتاستىقتى دامىتۋ، مەملەكەتتىك-جەكەمەنشىك سەرىكتەستىكتەرگە قاتىسۋ، ورتاق ماسەلەلەردىڭ يننوۆاسيالىق شەشىمدەرىن ىزدەۋ جانە جاۋاپتى بيزنەس جۇرگىزۋ ارقىلى بۇل پروسەستە ورتاق رولگە يە» دەگەن ەدى.
بۇگىندە ءتۇرلى ەلدەردىڭ ىسكەر توپتارى بۇۇ-مەن جانە ءوزارا ىنتىماقتاستىق قۇرالى رەتىندە بۇۇ-نىڭ جاھاندىق كەلىسىم - شارتىن قولدانا وتىرىپ ىنتىماقتاسۋدا.
«وزدەرىڭىز بىلەسىزدەر، الماتى وتكەن جىلى 2025 جىلعا دەيىن دامۋدىڭ جاڭا باعدارلاماسىن جانە 2030 جىلعا دەيىنگى ورتا مەرزىمدى پەرسپەكتيۆالاردى قابىلدادى. باعدارلاما تۇراقتى دامۋعا باعىتتالعان ماقساتتار مەن مىندەتتەردى انىقتايدى، ولار نەگىزىنەن بۇۇ تدم مازمۇنىمەن سايكەس كەلەدى. ادو الماتىنىڭ تۇراقتى الەۋمەتتىك-ەكونوميكالىق دامۋىنا ىقپال ەتەتىن نەگىزگى ينستيتۋت بولىپ تابىلادى. بۇل قىزمەتتە ءبىز وسى جىلدىڭ ماۋسىم ايىندا ءوزىمىزدىڭ دامۋ باعدارلامامىز بەن جوسپارىمىزدى قابىلدادىق، ونىڭ ىشىندە الماتىنىڭ دامۋىن بۇۇ تدم جاھاندىق كۇن تارتىبىمەن جانە مىندەتتەرىمەن ۇندەستىرۋگە باعىتتالعان. بۇۇ-نىڭ جاھاندىق كەلىسىم- شارتىنا قاتىسا وتىرىپ، ءبىز ءوز نيەتىمىزدى جانە بۇۇ-نىڭ تۇراقتى دامۋ ماقساتتارىنا ادالدىعىمىزدى راستايمىز»، - دەدى «الماتى قالاسىن دامىتۋ ورتالىعى» اق باسقارما ءتوراعاسى اندرەي شوۆكوپلياس. ول كەلىسىم- شارتقا قوسىلۋ قالا مەن ونىڭ ينستيتۋتتارىنىڭ كەشەندى ەۆوليۋسيا پروسەسىنىڭ ءبىر بولىگى ەكەنىن اتاپ ءوتتى.
شوۆكوپلياس وسى باستاماعا قوسىلاتىن ۇيىمدار ءوز قىزمەتى مەن ستراتەگيالارىن جاھاندىق كەلىسىم - شارتتىڭ ون قاعيداتىنا سايكەس كەلتىرۋگە مىندەتتەمە الاتىنىن جانە بۇگىندە ادو-نىڭ جۇمىسى ولارعا تولىقتاي سايكەس كەلەتىنىن اتاپ ءوتتى. سونداي-اق، ول قالا ءۇشىن جاڭا مۇمكىندىكتەرگە نازار اۋداردى-بۇۇ-نىڭ جاھاندىق كەلىسىم- شارتى الماتىعا تۇراقتى ەكونوميكالىق ورتا قۇرۋ بولىگىندە شەتەلدىك ارىپتەستەرمەن تاجىريبە الماسۋعا، بۇۇ تدم-عا قولجەتكىزۋ اياسىندا ينۆەستيسيالار تارتۋعا جانە قالالىق جوبالاردى ىسكە اسىرۋعا مۇمكىندىك بەرەدى.