2024 جىلدىڭ 1 قاڭتارىنان توتەنشە جاعدايلار مينيسترلىگىنىڭ شتات سانى 121 بىرلىككە ۇلعايتىلادى.
بۇل تۋرالى ءماجىلىس دەپۋتاتتارىنىڭ ساۋالىنا پرەمەر-مينيستر ءاليحان سمايىلوۆتىڭ جاۋابىندا ايتىلعان، دەپ حابارلايدى Almaty-akshamy.kz قازاقپارات-قا سىلتەمە جاساپ.
«قازاقستان رەسپۋبليكاسى توتەنشە جاعدايلار مينيسترلىگىنىڭ كەيبىر ماسەلەلەرى تۋرالى» ۇكىمەتتىڭ 2023 جىلعى 13 اقپانداعى №122 قاۋلىسىمەن تجم ءليميتى 1 613 بىرلىككە ۇلعايتىلدى. سونداي-اق، وسى جىلى ۇكىمەت تجم شتات سانىن 2024 جىلعى 1 قاڭتاردان باستاپ تاعى 121 بىرلىككە ۇلعايتۋدى جوسپارلاپ وتىر. ءبىر مەزگىلدە 2025-2026 جىلدارعا قوسىمشا شتات سانىن ءبولۋ، ونىڭ ىشىندە جاڭادان جۇمىس ىستەپ تۇرعان ءورت ءسوندىرۋ دەپولارىنىڭ سانى از ءورت ءسوندىرۋ بولىمدەرىن نىعايتۋ، شۇعىل مەديسينالىق كومەك بريگادالارىن، سەلدەن قورعاۋ توپتارىن، پروفەسسور-وقىتۋشىلار قۇرامىن، سونىمەن قاتار ونەركاسىپتىك قاۋىپسىزدىك جانە مەملەكەتتىك ءورت باقىلاۋ ينسپەكتورلارىن كۇشەيتۋ تۋرالى ماسەلە پىسىقتالاتىن بولادى»، - دەدى ۇكىمەت باسشىسى جاۋابىندا.