كىلەمدە ەمەس، قۇمدا كۇرەستى
قونايەۆتا العاش رەت جاعاجايداعى سامبو كۇرەسىنەن قازاقستان چەمپيوناتى ءوتتى، دەپ حابارلايدى Almaty-akshamy.kz.
ەرلەر مەن ايەلەر 8 سالماق دارەجەسى بويىنشا سىنعا ءتۇستى. كوماندالىق ەسەپتى قوسقاندا بالۋاندار 11 مەدال جيىنتىعىن ساراپقا سالدى. 24.kz ء-تىڭ مالىمەتىنە سۇيەنسەك، جاعاجاي سامبو كۇرەسى ەلىمىزدە ەندى عانا دامىپ كەلە جاتقان سپورت ءتۇرى. بىلتىر تۋرنير رەتىندە عانا ۇيىمداستىرىلعان. جارىس ەرەكشەلىگى – قارسىلاسىن قۇمعا قۇلاتقان پالۋانعا ۇپاي بەرىلەدى. بيىل الەمدىك جارىسقا قاتىسۋعا جولداما بەرەتىن ىرىكتەۋ بىرىنشىلىگى وتكىزىلدى. ەلدىڭ بارلىق اۋماعىنان جينالعان 150 سپورتشى ءوزارا سىنعا ءتۇستى. جۇزدەن جۇيرىك شىققاندار تامىزدا دومينيكانا رەسپۋبليكاسىندا وتەتىن الەم بىرىنشىلىگىنە جولداما الادى.
«ايىرىماشىلىعى بۇل جەردە ۋاقىتپەن جانە بالمەن ايىرماشىلىق. قاراپايىم سامبودا قۋىپ جەتىپ مىسالى نەمەسە پارتەردە ۇتىپ كەتۋگە بولسا، بۇل جەردە ءبىراق شانس – قۇلادىڭ بولدى، بالعا ءتۇستىڭ بولدى»، -دەيدى جاعاجايداعى سامبو كۇرەسىنىڭ چەمپيونى اينۇر تورەباي.