ديانا حانشايىمنىڭ جەمپىرى - 50-دەن 80 مىڭ دوللارعا دەيىن باعالانىپ وتىر
جەمپىردە ءبىر قورا اق قويدىڭ ىشىندە ءبىر قارا ساۋلىق بەينەلەنگەن.
حانشايىم ديانانىڭ اڭىزعا اينالعان بۇل جەمپىرى ونىڭ كورول وتباسىندا ءوزىن جات سەزىنەتىنىن مەڭزەيتىن ەدى.
ەندى وسى جىلى كيىم قىركۇيەك ايىنداعى Sotheby's ونلاين اۋكسيونىندا ساتىلىمعا شىعادى.
لوتتىڭ بولجامدى قۇنى - 50-دەن 80 مىڭ دوللارعا دەيىن.
ديانا العاش رەت 1981 جىلى ماۋسىمدا ءوزى ءسوز بايلاسقان حانزادا ءچارلزدىڭ پولو ماچتارىنىڭ بىرىندە وسى ديزاينەرلىك جەمپىرمەن كوپشىلىك الدىنا شىققان.
Warm & Wonderful برەندىنىڭ يەلەرى ءتۇپنۇسقانى اۋكسيونعا وزدەرى شىعارىپ وتىر.
جۇننەن جاسالعان بۇيىمنان تەسىك تاۋىپ العان ديانا ونى ءوندىرۋشى كومپانياعا تىگۋگە قايتارىپ جىبەرگەن.
ءبىراق ديزاينەرلەر وعان جاڭا ۇلگىسىن بەرىپ، ەسكى جەمپىردى وزدەرىنە الىپ قالىپتى.
ال جاڭا جەمپىر ءقازىر لوندونداعى ۆيكتوريا مەن البەرت مۇراجايىندا ساقتاۋلى تۇر.