تجم قىزمەتكەرلەرى باتىلدىق، رۋح پەن كاسىبيلىك قۇتقارۋشىلاردىڭ اجىراماس قاسيەتتەرى ەكەنىن تاعى دا دالەلدەدى.
يندونەزيانىڭ دجاكارتا قالاسىندا وتكەن "GAMMA" مما الەم چەمپيوناتىندا ءبىزدىڭ قۇتقارۋشىلار ەرناز مۇسابەك، مانسۋر شاحگەرەيەۆ جانە سايران ساعىندىقوۆ التىن مەدالدى، كۇمىس مەدالدى يەلەنىپ، ءادىل سۇلتانبەكوۆ قولا جۇلدەگەر اتاندى، دەپ حابارلايدى aqshamnews.kz.
سونىمەن قاتار، تجم باسپا ءسوز قىزمەتىنىڭ مالىمەتىنشە، ءبىزدىڭ ءۇش سپورتشىمىز قازاقستان رەسپۋبليكاسىنىڭ ەڭبەك سىڭىرگەن سپورت شەبەرىنىڭ نورماتيۆتەرىن ورىندادى.
"الەم چەمپيوناتىندا ەلىمىز بەن تجم نامىسىن قورعاۋ مەن ءۇشىن ۇلكەن مارتەبە. بۇگىنگى جەتىستىگىمىز ەڭ الدىمەن، ءبىزدىڭ ءمينيسترىمىز گەنەرال-مايور شىڭعىس ءارىنوۆتىڭ قولداۋىنىڭ ناتيجەسى. قۇتقارۋشىنىڭ جۇمىسى بىزدەن تەك كۇش پەن مىقتىلىقتى عانا ەمەس، سونىمەن قاتار اقىل — وي مەن توزىمدىلىكتى تالاپ ەتەدى. ءبىز، قۇتقارۋشىلار، كۇن سايىن قىزمەتتە دە، سپورتتىق ارەنادا دا كۇش پەن رۋحتىڭ شەگى جوق ەكەنىن دالەلدەدىك"،-دەدى ەرناز مۇسابەك.
بۇل سپورتتاعى جوعارى جەتىستىك قازاقستان ازاماتتارىنىڭ قاۋىپسىزدىگىن قامتاماسىز ەتىپ جۇرگەن قۇتقارۋشىلاردىڭ كاسىبيلىگى مەن رۋحىنىڭ كۇشىن كورسەتەدى.