مەديسينا جانە فارماسيەۆتيكا قىزمەتكەرلەرىنىڭ اراسىنداعى «كاسىبىنىڭ ۇزدىگى» رەسپۋبليكالىق بايقاۋىنىڭ قورىتىندىسى بويىنشا سۇلەيمان كەرىم ۇلى گاندالييەۆ «ۇزدىك اۋىل دارىگەرى» نوميناسياسىنىڭ جەڭىمپازى بولىپ انىقتالدى، دەپ حابارلايدى aqshamnews.kz ق ر دسم-گە سىلتەمە جاساپ.
1996 جىلى قاراعاندى مەملەكەتتىك مەديسينا ينستيتۋتىن «پەدياتريا» ماماندىعى بويىنشا بىتىرگەن ساتتەن باستاپ سۇلەيمان كەرىم ۇلى ءوزىن اۋىل مەديسيناسىنا ارنادى. بۇگىندە ول سولتۇستىك قازاقستان وبلىسى ماعجان جۇمابايەۆ اتىنداعى اۋداننىڭ قاراعاندى دارىگەرلىك امبۋلاتورياسىنىڭ دارىگەرى بولىپ جۇمىس ىستەيدى.
ونداعان جىلدار بويى جۇمىس ىستەگەن اۋىل دارىگەرى ءوز اۋىلداستارىنىڭ ۇلكەن قۇرمەتىنە يە بولدى جانە ءوز اۋدانىندا ءومىردى ساقتايتىن ناعىز قاھارمانعا اينالدى.
2021 جىلى سۇلەيمان گاندالييەۆ جوعارى بىلىكتىلىگى مەن مەديسينا ىسىنە ادالدىعى ءۇشىن «شاپاعات» مەدالىمەن ماراپاتتالدى.
دەنساۋلىق ساقتاۋ مينيسترلىگى بيىل العاش رەت «كاسىبىنىڭ ۇزدىگى» رەسپۋبليكالىق كونكۋرسىن وتكىزۋدە جانە ءاربىر جەڭىمپازعا ءوز نوميناسيالارى بويىنشا ماتەريالدىق كوتەرمەلەۋ رەتىندە 500 اەك مولشەرىندە اقشالاي سىياقى كوزدەلگەن.