توتەنشە جاعدايلار مينيسترلىگى قار قالىڭ تۇسۋىنە بايلانىستى قازاقستاننىڭ تاۋلى ايماقتارىندا كوشكىن ءقاۋپى كۇشەيگەنىن ەسكەرتىپ، تۇرعىنداردى جورىققا شىقپاۋعا شاقىردى، - دەپ حابارلايدى اqshamnews.kz ءتىلشىسى.
"ەلىمىزدىڭ تاۋلى ايماقتارىندا قاردىڭ جينالۋىنا بايلانىستى جەكەلەگەن قار كوشكىندەرى وزدىگىنەن ءتۇسۋى مۇمكىن. كوشكىندەردىڭ جۇرۋىنە تۇرتكى بولۋ قاۋپىنە بايلانىستى قار باسقان تىك بەتكەيلەرگە شىقپاعان ءجون. تاۋدا اباي بولىڭىزدار. حالىقتىڭ، تۋريستەردىڭ، قوناقتار مەن دەمالۋشىلاردىڭ قاۋىپسىزدىگىن قامتاماسىز ەتۋ ماقساتىندا الماتى قالاسىنداعى، الماتى جانە شىعىس قازاقستان وبلىستارىنداعى تاۋلاردا قار كوشكىندەرىن ماجبۇرلەپ ءتۇسىرۋ بويىنشا الدىن الۋ جۇمىستارى جۇرگىزىلدى، ناتيجەسىندە 3516 م³ قار ماسساسى ءتۇسىرىلدى"، – دەپ حابارلادى جۇما كۇنى تجم باسپا ءسوز قىزمەتى.
تجم "قازسەلدەنقورعاۋ" مم ماماندارى كوشكىن ءقاۋپى بار اۋماقتارعا تۇراقتى ءارى ۇزدىكسىز مونيتورينگ جۇرگىزىپ جاتقانىن اتاپ ءوتتى.
"بۇگىنگى كۇنگە دەيىن رەسپۋبليكا بويىنشا 163 جەرۇستى تەكسەرۋ جۇرگىزىلدى. قار كوشكىندەرىنىڭ ءجۇرۋى مۇمكىن ايماقتاردا 108 ەسكەرتۋ بەلگىسى ورناتىلدى. سونىمەن قاتار «ابايلاڭىز، قار كوشكىنى!» دەگەن 944 ەسكەرتۋ حابارلاماسى، 3754 اقپاراتتىق بروشيۋرا، سونداي-اق «ابايلاڭىز، قار كوشكىنى!» جانە «ابايلاڭىز، سەڭ ءجۇرۋى!» اتتى ۇگىت-ناسيحاتتاۋ اقپاراتتىق ماتەريالدار تاراتىلدى"، - دەپ قوستى ۆەدومستۆو.
تجم مالىمەتىنشە، قار كوشكىنى جاعدايى شيەلەنىسكەن كەزدە جانە «قازگيدرومەت» رمك داۋىلدى ەسكەرتۋلەرى نەگىزىندە توتەنشە جاعدايلار دەپارتامەنتتەرىمەن جانە ىشكى ىستەر ورگاندارىمەن بىرلەسىپ كوشكىن ءقاۋپى بار ايماققا حالىق پەن اۆتوكولىكتىڭ كىرۋىن شەكتەۋ ءۇشىن باقىلاۋ-وتكىزۋ بەكەتتەر قويىلادى.
"ەگەر قار كوشكىنى تۋرالى ەسكەرتۋ جاريالانسا، تاۋلارعا بارۋدان باس تارتقان ءجون. ەگەر ەسكەرتۋ بولماسا، جولعا شىقپاس بۇرىن مەتەورولوگيالىق بولجامداردى ءبىلۋ، قوزعالىس مارشرۋتتارىن جاساۋ، دايىندىقسىز ۋچاسكەلەردە سەرۋەندەۋدەن جانە سىرعاناۋدان اۋلاق بولۋ، تاڭبالانعان سوقپاقتارمەن ءجۇرۋ، سونداي-اق قار كوشكىنى ءقاۋپى بار جەرلەر تۋرالى مۇمكىندىگىنشە كوبىرەك ءبىلۋ، ءقاۋىپتى بەتكەيلەردەن مۇمكىندىگىنشە اۋلاق بولۋ كەرەك. ەگەر تاۋعا شىعار الدىندا قالىڭ قار تۇسسە، جورىقتى ەكى-ۇش كۇنگە كەيىنگە قالدىرعان دۇرىس، ال قار كوشكىنى بولماعان جاعدايدا ونىڭ شوگۋىن كۇتكەن دۇرىس"، - دەلىنگەن حابارلامادا.