كوكتەمگى مۇزعا شىعۋ ءقاۋىپتى بولعاندىقتان، قۇتقارۋشىلار مۇزعا شىعۋدان باس تارتۋدى ءارى ساقتىق شارالارىن ساقتاۋدى ۇسىنادى.
بىلتىر كۇزدەن باستاپ تجم «مۇز-2025» رەسپۋبليكالىق ۇگىت-پروفيلاكتيكالىق اكسياسى اياسىندا مۇزدا ادام ءولىمىنىڭ الدىن الۋ بويىنشا اۋقىمدى جۇمىس جۇرگىزىپ جاتىر، دەپ حابارلايدى aqshamnews.kz.
- 20،5 مىڭنان استام رەيد پەن پاترۋلدەۋ جۇرگىزىلگەن.
- 122 مىڭ اداممەن پروفيلاكتيكالىق اڭگىمەلەسۋ وتكىزىلدى.
- 71 مىڭنان استام بالىقشى مەن اڭشىعا نۇسقاۋ بەرىلگەن.
- 1700 ساۋدا نۇكتەسىندە 152 مىڭ جادىناما مەن پاراقشا تاراتىلدى.
تجم ەسكە سالادى:
- ءبىر ادامعا ارنالعان مۇزدىڭ ءقاۋىپسىز قالىڭدىعى كەمىندە 10 سم.
- قاراڭعىدا، كورىنۋ ناشار بولعان كەزدە، مۇز قاتۋ جانە ەرۋ كەزەڭىندە مۇزعا شىعۋعا تىيىم سالىنادى.
- مۇزدىڭ قالىڭدىعى 10-نان 25 سم-گە دەيىن جانە قۇتقارۋ كەۋدەشەسى بولعان كەزدە عانا مۇزدا بالىق اۋلاۋعا رۇقسات ەتىلەدى.
اتالعان ماۋسىم باستالعاننان بەرى 46 ادام، ونىڭ ىشىندە الاكول كولىندەگى درەيفتى مۇزدا قالعان 25 بالىقشى جانە «تەرىس اششىبۇلاق» سۋ قويماسىندا مۇزدىڭ سىنعان كەسەگىندە قالىپ، جاعادان الىستاپ بارا جاتقان 5 بالىقشى قۇتقارىلدى. مۇز استىنا تۇسكەن 11 اۆتوموبيل دە شىعارىلعان.