الماتىدا مەديسينالىق-الەۋمەتتىك مەكەمەلەردىڭ قىزمەتكەرلەرىنە 2015 جىلدان بەرى العاش رەت لاۋازىمدىق جالاقىلارىنا 30%-دىق ۇستەمەاقى بەلگىلەندى
الماتىدا مەديسينالىق-الەۋمەتتىك مەكەمەلەردىڭ 1 632 قىزمەتكەرى العاش رەت قالا اكىمىنىڭ تاپسىرماسى بويىنشا ىنتالاندىرۋشى ۇستەمەاقى الادى. بۇگىن الماتى ءماسليحاتىنىڭ كەزەكتى XXVIII سەسسياسىندا دەپۋتاتتار مەديسينالىق پەرسونالدى قوسپاعاندا، مەديسينالىق-الەۋمەتتىك مەكەمەلەر قىزمەتكەرلەرىنىڭ لاۋازىمدىق جالاقىلارىنا 30% مولشەرىندە ىنتالاندىرۋ ۇستەمەلەرىن بەلگىلەۋ تۋرالى ۇسىنىستى قولدادى.
ونىڭ ايتۋىنشا، اتقارىلاتىن فۋنكسيالاردىڭ جوعارى الەۋمەتتىك ماڭىزدىلىعىنا قاراماستان، مەديسينالىق-الەۋمەتتىك مەكەمەلەردىڭ قىزمەتكەرلەرىنە ەڭبەكاقى تولەۋ دەڭگەيى تومەن بولىپ قالۋدا. ماسەلەن، 7 جىلدان 10 جىلعا دەيىنگى ءوتىلى بار الەۋمەتتىك قىزمەتكەردىڭ جالاقىسى 240 مىڭ تەڭگەنى، ۇقساس ءوتىلى بار پسيحولوگتىڭ جالاقىسى 170 مىڭ تەڭگەنى قۇرايدى.
ەرەكشەلىك-بازالىق جالاقىسى 2021 جىلى ۇلعايتىلعان مەديسينا قىزمەتكەرلەرى.
«الەۋمەتتىك قىزمەتكەرلەردىڭ جالاقىسى تومەن بولعاندىقتان، جەكە سەكتوردىڭ كاسىبيلىگىنىڭ تومەندەۋىانەن جانە باسەكەلەستىگىنەن تۋىنداعان الەۋمەتتىك قىزمەتكەرلەر اراسىنان بىلىكتى مامانداردىڭ كەتۋى بايقالادى. بۇل شارانى ىسكە اسىرۋ قىزمەتكەرلەردىڭ ۋاجدەمەسىن ارتتىرۋعا، كادر قۇرامىنىڭ تۇراقتىلىعىن قامتاماسىز ەتۋگە، الەۋمەتتىك سالاداعى جالاقىنىڭ باسەكەگە قابىلەتتىلىگىن ارتتىرۋعا جانە حالىقتىڭ مۇقتاج وسال ساناتتارىنا ارناۋلى الەۋمەتتىك قىزمەتتەردى ءتيىمدى كورسەتۋ ءۇشىن جاعداي جاساۋعا مۇمكىندىك بەرەدى»، - دەپ اتاپ ءوتتى باۋىرجان جاۋباسوۆ.
ايتا كەتەيىك، الماتىدا ەرەكشە قاجەتتىلىكتەرى بار ادامدارعا، جالعىزباستى قارتتارعا جانە ومىرلىك قيىن جاعدايعا تاپ بولعان ازاماتتارعا كومەك كورسەتەتىن 13 الەۋمەتتىك مەكەمە بار. اتالعان مەكەمەلەردە 1 950 قىزمەتكەر جۇمىس ىستەيدى.