ۇكىمەت جوسپارى.
قازاقستانداعى توتەنشە جاعداي ماماندارىنا قوسىمشا اقى تولەنەدى. بۇل تۋرالى مينيستر يۋريي يلين مالىمدەدى، دەپ حابارلايدىAlmaty-akshamy.kz Baq.kz سىلتەمە جاساپ.
«ءقازىر بىرىنشىدەن، مەملەكەت باسشىسىنىڭ تاپسىرماسى بويىنشا ءبىز ۇلتتىق ەكونوميكا جانە قارجى مينيسترلىكتەرىندەگى ارىپتەستەرىمىزبەن كەلەسى جىلدىڭ 1 قاڭتارىنان باستاپ قىزمەتكەرلەرىمىزدىڭ جالاقىسىن كوتەرۋ تۋرالى پرەمەر-مينيسترگە حات جازىپ، قول قويۋعا جىبەردىك. سول حاتتا توتەنشە جاعدايدى جويۋ كەزىندەگى جۇمىستاردىڭ كۇردەلىلىگىنە قاراي قوسىمشا ۇستەماقى تولەۋدى قاراستىرىپ وتىرمىز. سوندىقتان ونداي جۇمىستار ق ر اۋماعىندا جانە ودان تىس جەرلەردە جۇرگىزىلسە، اقى تولەنەدى»، - دەدى ۆەدومستۆو باسشىسى سەنات وتىرىسىنان كەيىن كۋلۋاردا تىلشىلەرگە بەرگەن سۇحباتىندا.
سونىمەن قاتار مينيستر ۇستەماقىنىڭ سوماسىنا توقتالدى.
«تولەنەتىن ۇستەماقى سوماسى قىزمەتتىك جالاقىنىڭ پايىزدىق اراقاتىناسىنا بايلانىستى. ءبىز قازىرگى ۋاقىتتا وتىنىشتە جالاقىنىڭ 20 پايىزى دەپ كورسەتتىك. ەگەر قىزمەتتىك جالاقىنى جوعارى كوتەرسەك، اسا كۇردەلى جۇمىستاردا ءار جۇمىس كۇنى ءۇشىن بۇل ورتا ەسەپپەن 30 مىڭ تەڭگەگە سايكەس كەلەدى»، - دەدى يۋريي يلين.