مال ۇرلىعىمەن اينالىسقانداردىڭ باسىم كوپشىلىگى - جۇمىسسىزدار.
بيىل قاڭتار-قاراشا ايلارى ارالىعىندا ەلىمىزدە مال ۇرلىعى بويىنشا 1،7 مىڭ جاعداي تىركەلگەن. بۇل وتكەن جىلمەن سالىستىرعاندا 19،6 پايىزعا از. بىلتىر وسى كەزەڭىندە 2،1 مىڭ فاكتى انىقتالعان ەدى، دەپ حابارلايدى Almaty-akshamy.kz Energyprom.kz سىلتەمە جاساپ.
وڭىرلەر اراسىندا مال ۇرلىعى بويىنشا الماتى (325 ۇرلىق فاكتىسى) كوش باستاپ تۇر. كەلەسى كەزەكتە مۇنداي قۇقىقبۇزۋشىلىقتار تۇركىستان (232 فاكتى) جانە باتىس قازاقستان (161 فاكتى) وبلىستارى اۋامعىندا تىركەلگەن.
«Energyprom.kz» مالىمەتىنە سايكەس، جالپى، بيىلعى مال ۇرلىعى قالمىستارىن 737 ادام جاساعان. بۇل رەتتە وتكەن جىلعا قاراعاندا 17 پايىزعا تومەندەۋ بايقالادى.
مال ۇرلىعىمەن اينالىسقانداردىڭ باسىم كوپشىلىگى، ياعني 591 ادام - جۇمىسسىزدار. سونىمەن قوسا، بيىل 70 تۇراقتى قىزمەتى بار ازامات، 9 جەكە كاسىپكەر، 9 وقۋشى مەن 1 مەملەكەتتىك قىزمەتشى ۇرلىققا تۇسكەن.
ۇلتتىق ستاتيستيكا بيۋروسىنىڭ مالىمەتى بويىنشا، اعىمداعى جىلدىڭ 1 قاراشاسىنا دەيىن ەلدە ءىرى قارا 8،8 ملن باس بولدى، بۇل ءبىر جىل بۇرىنعىدان 4،7%-عا كوپ.
جىلقى (3،7 ملن باس، پليۋس 11،9%)، تۇيە (263،6 مىڭ باس، پليۋس 8،7%) جانە قوي (20،3 ملن باس، پليۋس 4،3%) باسىدا دا ءوستى.
شوشقا سانى (11،6%-عا، 828 مىڭ باسقا)، قۇس (2،1%-عا، 49،3 ملن باسقا) جانە ەشكى (1%-عا، 2،4 ملن باسقا) ازايعان.