قازاقستاندىقتار كوبىنە قان اينالىمى جۇيەسى اۋرۋلارىنان كوز جۇمادى.
بيىلعى قاڭتار-قىركۇيەك ارالىعىندا ەلىمىز بويىنشا 101،7 مىڭ ادام قايتىس بولدى. بۇل وتكەن جىلمەن سالىستىرعاندا 26،1 پايىزعا از. ماسەلەن، بىلتىر وسى ارالىقتا 137،6 مىڭ ادام كوز جۇمعان ەدى، دەپ حابارلايدى Almaty-akshamy.kz Ranking.kz پورتالىنا سىلتەمە جاساپ.
وڭىرلەر اراسىندا بۇل كورسەتكىش الماتىدا جوعارى بولىپ وتىر. اتاپ ايتقاندا، بيىل وندا 9،3 مىڭ ادام قايتىس بولدى. ءبىراق بۇل وتكەن جىلمەن سالىستىرعاندا 35،1 پايىزعا از. كەلەسى كەزەكتە قاراعاندى (8،8 مىڭ ادام) مەن تۇركىستان (7،4 مىڭ ادام) وبلىستارى تۇر. ال ءولىم جاعدايلارى ەڭ از ۇلىتاۋ وبلىسىندا (1،5 مىڭ ادام) تىركەلگەن.
قازاقستاندىقتار كوبىنە قان اينالىمى جۇيەسى اۋرۋلارىنان كوز جۇمادى. ودان ۇستىمىزدەگى جىلى 22،7 مىڭ ادام قايتىس بولدى. سونىمەن قاتار بيىل جاڭا ىسىكتەردىڭ پايدا بولۋى دەرتى 10،2 مىڭ ادامنىڭ ءومىرىن جالماسا، تىنىس الۋ ورگاندارىنىڭ اۋرۋىنان 9،8 مىڭ تۇرعىن كوز جۇمدى. ال جازاتايىم وقيعالار، ۋلانۋ مەن جاراقات سالدارىنان 8،5 مىڭ قايتىس بولدى. سونداي-اق، 8،1 مىڭ ادامنىڭ ولىمىنە سەبەپ بولعان - اس قورىتۋ ورگاندارىندعى دەرتتەر.