تجد استانالىقتاردان قىراعىلىق تانىتىپ، ساقتىق شارالارىن ساقتاۋلارىن سۇرادى، دەپ حابارلايدى almaty-akshamy.kz
«استانا قالالىق توتەنشە جاعدايلار دەپارتامەنتىنىڭ ءورت ءسوندىرۋ بولىمشەلەرى 15 گەكتار اۋماقتا قۇرعاق جەردەگى ءورتتى ءسوندىرۋ جۇمىستارىن جالعاستىرۋدا. وقيعا ورنىنا ق ر توتەنشە جاعدايلار ءمينيسترى سىرىم ءشارىپحانوۆ كەلدى. ءورتتى سوندىرۋگە استانا قالالىق تجد جەكە قۇرامىنىڭ 158 مامانى مەن 33 بىرلىك تەحنيكاسى، سونداي-اق قالا اكىمدىگى مەن «استانا ورمانى» مەكەمەسىنىڭ تەحنيكاسى جۇمىلدىرىلدى. ءورتتى ءسوندىرۋ ءۇشىن قورعانىس مينيسترلىگىنىڭ ەكى مي-17 تىكۇشاعى تارتىلدى. ءورت ءسوندىرۋ شتابى قۇرىلدى»، - دەپ اتاپ وتەدى اتالعان دەپارتامەنتتىڭ باسپا ءسوز قىزمەتىنەن.
ۆەدومستۆو مالىمەتىنشە، تۇرعىن ۇيلەر مەن ورمان القاپتارىنا ءقاۋىپ جوق.
«قۇرمەتتى تۇرعىندار، سىزدەن قىراعىلىق تانىتىپ، كەلەسى ساقتىق شارالارىن ساقتاۋلارىڭىزدى سۇرايمىز: تجد جانە باسقا دا سەنىمدى كوزدەردىڭ ۇسىنىستارىن ورىنداڭىز؛ ەگەر ءسىز سىرتتا بولساڭىز، تۇتىننەن قورعايتىن ماسكا كيگەن دۇرىس؛ ءتۇتىننىڭ بولمەگە ەنۋىنە جول بەرمەۋ ءۇشىن تەرەزەلەر مەن ەسىكتەردى جابىڭىز»، - دەپ ەسكەرتەدى ۆەدومستۆودان.